12:32, 17 Jeltoqsan 2025 | GMT +5
Tokıo Qazaqstan Prezıdentiniń saparyna qalaı daıyndalyp jatyr
ASTANA. KAZINFORM – BORT № Telegram arnasy Memleket basshysynyń Japonııaǵa saparyna daıyndyq jumystarynyń fotosýretteri men beınejazbalaryn jarııalady.
Buǵan deıin Aqordanyń baspasóz qyzmeti Memleket basshysy Qasym-Jomart Toqaev 18-20 jeltoqsanda resmı saparmen Japonııaǵa baratynyn habarlaǵan.
Sapar aıasynda Imperator Narýhıto, premer-mınıstr Sanae Takaıchı, sondaı-aq japon bıznes qaýymdastyǵynyń ókilderimen kezdesýler josparlanǵan.
Budan basqa, Qazaqstan Prezıdenti «Ortalyq Azııa – Japonııa» sammıtine qatysady.
Aıta keteıik, Memleket basshysy energetıka salasy qyzmetkerlerin kásibı merekesimen quttyqtady.
Aqordada energetıka salasyn damytýǵa eleýli úles qosqan bir top azamat marapattaldy.