Tokıo elektr jaryǵynsyz qaldy, poıyzdar toqtap tur

TOKIO. QazAqparat – Japonııa astanasynda elektr jaryǵynyń sónýine baılanysty birneshe temirjol torabynda poıyzdar qozǵalysy jappaı toqtady. Bul týraly jeksenbi kúni eldegi iri temirjol operatory JR East málim etti, dep habarlaıdy QazAqparat.

Kólik jumysyndaǵy aqaý segiz jelide, sonyń ishinde eń úlken «ıAmanote» temirjol jelisinde bolǵan. Elektr energııasy Tokıony kórshi Saıtama prefektýrasymen baılanystyratyn baǵytta óshken.

NHKtelearnasynyń málimetinshe, jaryq Varabı qalasynda (Saıtama prefektýrasy) JR East stansasyndaǵy órt saldarynan óshýi múmkin.

«ıAmanote» jelisi 30 stansadan turady, onyń uzaqtyǵy 35 shaqyrymdy quraıdy. Kún saıyn bul jelini 4 mln adam paıdalanady, al poıyzdardyń eń joǵary jyldamdyqtaǵy qozǵalysy 90 km/saǵatqa jetedi.