Toqaev: Ózin-ózi aqtamaıtyn joba memleketke masyl bolady
«Halyq úshin yńǵaıly, túsinikti jáne qolaıly kólik túrin qurýdyń ornyna kóliktiń qymbat túri, ıaǵnı LRT usynylǵan. Meniń túsinýimshe, mamandardyń, sáýlet qoǵamdastyǵynyń pikiri eskerilmegen. Ákimdiktiń habarlaýynsha, jolaýshylardyń boljanǵan aǵyny táýligine 146 myń adamdy quraıdy. Qazirgi kezde uqsas baǵdarda, áýejaıdan jańa vokzalǵa deıin jolaýshylar aǵyny 2 myń adamdy ǵana qurap otyr. Osylaısha, jolashylar aǵynyn qalaısha 70 esege arttyrmaqsyzdar? Bul maǵan túsiniksiz bolyp tur», - dedi Prezıdent.
Osy oraıda, Memleket basshysy ózin-ózi aqtamaıtyn joba memleketke masyl bolatynyn atap ótti.
«Qurylys boıynsha jiberligen shyǵyndar men halyqaralyq mindettemelerdi eskere otyryp, bul joba toqtatýǵa kelmeıdi. Alaıda, onyń saldaryn túsiný kerek. Úkimet ákimdiktermen birlese atalǵan máselege núkte qoıyp, naqty usynystar engizýin tapsyramyn. Osyndaı jobany usynǵan jaýapty adamdar baqylaýshy organdardyń suraqtaryna jaýap berýi tıis. Sonymen qatar, bul másele boıynsha Parlament depýtattary pikir bildirýi kerek», - dedi Qasym-Jomart Toqaev.
Budan buryn habarlanǵandaı, Nur-Sultan qalasynda salynyp jatqan LRT -nyń qurylysy ýaqytsha toqtatylǵan bolatyn. Sonymen qatar, bıyl kóktemde Álıhan Smaıylov elordada jeńil relsti kólik qurylysy (LRT) boıynsha joba jalǵasyn tabatynyn aıtqan edi. Sondaı-aq, keıin LRT qurylysynyń qashan naqty aıaqtalatyny belgili boldy. Sondaı-aq, QR Prezıdenti búgin ótken Úkimet otyrysynda LRT qurylysyna núkte qoıýdy tapsyrdy.
