Toqaev qatysatyn Doha forýmy qandaı máselelerdi talqylaıdy
ASTANA. KAZINFORM – Qatar astanasy Doha qalasynda 7,8 jeltoqsan kúnderi jahandyq syn-qaterlerdi talqylap, túrli saladaǵy ınnovatsııalyq sheshimderdi izdeýge arnalǵan halyqaralyq forým (Doha Forum) ótedi. Kazinform agenttigi atalǵan is-sharanyń mańyzy týraly sholý usynady.
Bedeldi dıalog alańy
Bul joly forým «Dıplomatııa, dıalog, áralýandyq» taqyrybyn uran etip alyp otyr.
Jalpy bul is-shara 2000 jyldan beri uıymdastyrylyp keledi. Forým shırek ǵasyrǵa jýyq ýaqytta álem kóshbasshylary men sarapshylardyń, azamattyq qoǵam ókilderiniń arasyndaǵy bedeldi dıalog alańyna aınaldy.
«Álemdi shekaralar biriktirip turǵany sııaqty ortaq problemalardyń sheshimin de ózara baılanystan tabýǵa bolady», - dep jazylǵan is-sharanyń resmı saıtynda.
Jyl saıyn bul forýmǵa memleket basshylary men úkimet jetekshileri, Syrtqy ister mınıstrleri men parlamentterdiń ókilderi, ǵalymdar men kásiporyn basshylary, úkimettik emes uıymdardyń ókilderin jınalady.
Innovatsııa ıgiligi
Bıylǵy 22-shi forým «the Innovation Imperative» taqyrybymen ótedi. ıAǵnı, oǵan qatysýshylar jahandaǵy ózekti máselelerdi ınnovatsııalyq sheshimderdi utymdy paıdalaný arqyly sheshýdiń joldaryn talqylamaq.
- Doha forýmynda biz tehnologııalardy basqarýdan bastap beıbitshilik ornatý taqyrybyna deıingi jahandyq aýqymdaǵy máselelerdi dıalog alańyna shyǵaryp, álem kóshbasshylarynyń basyn qosamyz. biriktiremiz,-deıdi Doha halyqaralyq forýmynyń bas menedjeri Maha Ál-Kývarı.
Doha Forum returns on December 7 and 8 for its 22nd Edition under the theme ‘The Innovation Imperative.’
— Doha Forum (@DohaForum) October 16, 2024
This year, we explore how innovative thinking can reshape the future of security, sustainability, and equity—asking the tough questions to lead us toward a more secure,… pic.twitter.com/YrgnBTh6pS
Forýmnyń kún tártibine iriktelgen máseleler tóńireginde 80-nen astam pikirtalas sessııasy uıymdastyrylady.
Mártebeli meımandar
Uıymdastyrýshylardyń málimeti boıynsha, bıylǵy is-sharaǵa 150-den astam elden 4500-den astam adam shaqyrylǵan. Olar 300-den astam sarapshynyń paıymyn tyńdap, oı qorytýǵa múmkindik almaq. Forýmda sóz alatyn 7 memleket basshysynyń ishinde Qazaqstan Prezıdenti Qasym-Jomart Toqaev ta bar.
Forýmda Qasym-Jomart Toqaev arnaıy sessııa ótkizip, zamanaýı qaýip-qaterlerge «orta» derjavalardyń róline laıyqty nazar aýdarý arqyly qarsy turý joldary týraly paıymyn bólisedi. Bul týraly Qazaqstannyń Qatardaǵy Elshisi Arman Isaǵalıev Gulf Times gazetine bergen suhbatynda aıtqan.
- Prezıdenttiń Doha forýmyna qatysýy Qazaqstannyń ınnovatsııalardy jedeldetý jáne tehnologııalyq progreske járdemdesý jónindegi uzaq merzimdi strategııalyq josparlaryna negizdelgen, - deıdi elshi ol suhbatta.
Forýmnyń «Innovatsııa ıgiligi: jahandy tehnologııalardy basqara otyryp damytý» atty paneldik sessııasynda Qazaqstannyń tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev sóz sóıleıdi dep josparlanǵan. Al «Ortalyq Azııa jáne jahandyq energetıkalyq qaýipsizdiktiń jańa dáýiri» atty sessııany KAZENERGY qaýymdastyǵynyń tóraǵasy Maǵzum Myrzaǵalıev ashady.
Forým qarsańyndaǵy sársenbide «Doha Forum Youth edition 2024» jastar forýmy ótip, oǵan 90 elden 150 jas sarapshy qatysty.
Byltyrǵy forýmda álemniń 120-dan astam elinen 3500 qonaq shaqyrylǵan bolatyn.