Toqaev Indonezııa basshysyna Qazaqstanǵa saparmen kelýge shaqyrýdy tabys etedi

ASTANA. QazAqparat - 12-14 naýryz aralyǵynda Qazaqstan Respýblıkasy Parlamenti Senatynyń tóraǵasy Qasym-Jomart Toqaev Indonezııada saparda bolady, dep habarlaıdy QazAqparat. 

Senattyń baspasóz qyzmetiniń málimetinshe, Q. Toqaevtyń Indonezııa Prezıdenti Djoko Vıdodomen kezdesýi sapardyń basty oqıǵasy bolady. Senat tóraǵasy Memleket basshysy N. Nazarbaevtyń tapsyrmasy boıynsha Indonezııa basshysyna Qazaqstanǵa resmı saparmen kelýge shaqyrýyn jetkizip, Álem jáne dástúrli dinder lıderleriniń VI Sezine qatysýǵa shaqyrýdy tabys etedi.

Qazaqstan Senatynyń tóraǵasy men Indonezııa Halyq keńesshileri kongresiniń basshymen kezdesýde parlamentaralyq baılanystardy nyǵaıtýdyń keleshegi áńgime ózegine aınalady. Kelissózder barysynda saıası jáne ekonomıkalyq ekijaqty yntymaqtastyq máselelerin de talqylaý kózdelip otyr.