Toqaev Birikken Arab Ámirlikteriniń prezıdentin Ulttyq merekesimen quttyqtady

ASTANA. KAZINFORM — Memleket basshysy Birikken Arab Ámirlikteriniń prezıdentine quttyqtaý jedelhatyn joldady, dep habarlaıdy Aqordanyń baspasóz qyzmeti.

Qasym-Jomart Toqaev sheıh Muhammed ben Zaıd Ál Nahaıan men onyń otandastaryn Birikken Arab Ámirlikteriniń Ulttyq merekesimen quttyqtady.

— Prezıdent jedelhatta Arab Ámirlikteriniń ornyqty damýdy qamtamasyz etý men qaýipsizdikti nyǵaıtý jolyndaǵy bedeli jahandyq deńgeıde moıyndalǵanyn atap ótti. Sonymen qatar eki el arasyndaǵy dástúrli dostyq pen ózara qoldaý rýhyndaǵy san qyrly yntymaqtastyq halyqtarymyzdyń ıgiligi úshin qarqyndy damı beretinine senim bildirdi, — delingen habarlamada.

Qasym-Jomart Toqaev sheıh Muhammed ben Zaıd Ál Nahaıannyń jaýapty qyzmetine tolaǵaı tabys, al Ámirlikter halqyna baq-bereke tiledi. 

Osyǵan deıin Qasym-Jomart Toqaev Palestına Memleketiniń Joǵary sýdıasy, Prezıdenttiń din isteri jónindegi keńesshisi Mahmud ál-Habbashty qabyldaǵanyn jazǵanbyz.