Toqaev Astana halyqaralyq forýmyna qatysýshylarǵa rızashylyǵyn bildirdi

ASTANA. KAZINFORM — Memleket basshysy Qasym-Jomart Toqaev Astana halyqaralyq forýmyna qatysýshylarǵa rızashylyǵyn bildirdi.

— Barshańyzben Astana halyqaralyq forýmynda júzdeskenime qýanyshtymyn! Búgingi basqosýǵa shetel úkimetteriniń basshylary, dıplomatııa, bıznes jáne akademııalyq ortadaǵy dostarymyz ben áriptesterimiz qatysyp otyr. Mártebeli meımandarymyzǵa, atap aıtqanda, Rýanda Prezıdenti Pol Kagamege jáne Soltústik Makedonııa Prezıdenti Gordana Sılıanovska-Davkovaǵa, Eýropa Keńesiniń Bas hatshysy Alen Bersege, BUU-nyń burynǵy Bas hatshysy Pan Gı Mýnǵa, Birikken Ulttar Uıymy júıesiniń jetekshilerine, forýmnyń ózge de qatysýshylaryna shynaıy rızashylyǵymdy bildiremin», — dedi is-sharany ashqan Prezıdent.

Memleket basshysy forým aıasynda jahandyq ekonomıka, óńirlik yntymaqtastyq jáne halyqaralyq kún tártibindegi basqa da máseleler jóninde nátıjeli pikir almasý bolady dep úmittenetindigin basa aıtty. 

Aıta keteıik, Astana halyqaralyq forýmy jumysyn bastady.