TMD elderinde mádenı-gýmanıtarlyq saladaǵy yntymaqtastyq jańa salalardy qamtýda
«Gýmanıtarlyq yntymaqtastyqtyń mańyzdy baǵyty jastar salasyndaǵy baılanystardy nyǵaıtý bolyp sanalady. TMD jastar astanasy týraly qabyldanǵan ereje jáne basqa da birqatar praktıkalyq sheshim osy maqsattarǵa qyzmet etedi. Ǵylymı saladaǵy ózara is-qımyldy keńeıtýge bıyl qabyldanǵan perspektıvaly ǵylymı jobalardyń tizbesin iske asyrý yqpal jasaıdy. Ol aqparattyq tehnologııalar, nano-materıaldar, gendik ınjenerııa, qorshaǵan ortany qorǵaý, klımattyń ózgerýi, jańartylatyn energetıka jáne ǵaryshty zertteý sııaqty salalardy qamtıdy», - dedi QR Úkimet basshysy.
QR Premer-Mınıstri TMD keńistiginde turaqtylyq pen qaýipsizdikti qamtamasyz etý boıynsha belsendi jumys júrgizilgenin basa aıtty.
«Salalyq organdardyń ótken otyrystarynyń kún tártibinde qaýipsizdikti qamtamasyz etý salasyndaǵy tásilderdi úılestirý máseleleri boldy. Aqparattyq saladaǵy qaýip-qaterlerge birlesip qarsy turý máselelerine erekshe nazar aýdaryldy. Bul maqsattarǵa TMD-ǵa múshe memleketterdiń 2030 jylǵa deıingi aqparattyq qaýipsizdigin qamtamasyz etý strategııasyn júzege asyrý boıynsha qabyldaǵan birinshi kezektegi is-sharalar josparyn iske asyrý negiz bolmaq. Jumysymyzda mádenı-gýmanıtarlyq saladaǵy ózara is-qımyldyń joǵary dınamıkasyn qoldaýǵa basa kóńil bóldik. Búginde bul baǵytta kóptegen joba júzege asyrylýda, jańa salalar qamtylýda. TMD memleketaralyq gýmanıtarlyq yntymaqtastyq qory óz qyzmetin tabysty jalǵastyryp otyr», - dedi Álıhan Smaıylov.
