TMD elderi SІM keńesiniń kelesi otyrysy Dýshanbede ótedi

ALMATY. KAZINFORM — TMD Bas hatshysy Sergeı Lebedev shaǵyn quramda ótken Táýelsiz Memleketter Dostastyǵy Syrtqy ister mınıstrleri keńesiniń otyrysyn qorytyndylady.

— Barlyq ózekti taqyryptar boıynsha ashyq jáne syndarly áńgime órbidi. Sonymen qatar, TMD salalyq yntymaqtastyq organdarynyń qyzmetin taldaý boıynsha shaǵyn quramda hattamalyq sheshimder qabyldandy. Sondaı-aq Syrtqy ister mınıstrleri keńesiniń kelesi otyrysy 2025 jyldyń 9 qazanynda Dýshanbede ótedi, — dedi ol.

TMD Syrtqy ister mınıstrleri keńesiniń tóraǵasy, Tájikstannyń Syrtqy ister mınıstri Sırodjıddın Mýhrıddın Dostastyqqa tóraǵalyǵy sabaqtastyq pen árbir qatysýshy memlekettiń pikirin qurmetteý qaǵıdattary negizinde jalǵasatynyn atap ótti.

— Ózara tıimdi yntymaqtastyq pen is-qımyl Tájikstan tóraǵalyǵy jumysynyń negizgi elementteri. Men shaǵyn quramda atap ótkenimdeı, sońǵy tórt aıda Tájikstan qatysýshy memleketter men TMD Atqarý komıteti tarapynan shynaıy qyzyǵýshylyqty sezindi. Biz barlyq astanalardyń belgilengen basymdyqtardy júzege asyrýda elimizge qajetti qoldaý kórsetýge daıyn ekenin kórip otyrmyz, — dedi mınıstr.

Buǵan deıin TMD Bas hatshysy Sergeı Lebedev kún tártibinde 13 másele men 17 jobalyq qujat bar ekenin aıtqan edi. 

Aıta keteıik, Almatyda TMD Syrtqy ister mınıstrleri keńesi ótip jatyr.