TMD elderi ishinde eń qymbat et Ózbekstanda ekeni belgili boldy

TAShKENT. KAZINFORM –  Ózbekstan sıyr etiniń baǵasy boıynsha álemdegi 127 eldiń ishinde 91-orynda. Bul týraly resmı Rost24 Telegram arnasy jazdy. 

Numbeo halyqaralyq servısiniń málimetinshe, bıylǵy 7 naýryzdaǵy jaǵdaı boıynsha Ózbekstanda bir keli sıyr etiniń baǵasy 8,1 AQSh dollary bolǵan. Kórshi elderdegi baǵalar uqsas. Sıyr eti Qazaqstan, Reseı, Qyrǵyzstan jáne Tájikstanda 7 dollardan sál asady.

Shveıtsarııa, Islandııa, Ońtústik Koreıa, Norvegııa jáne Lıýksembýrg sıyr eti eń qymbat bes eldiń qataryna kiredi. Tizimde kósh bastap turǵan Shveıtsarııada bir keli ettiń baǵasy – 44,3 AQSh dollary. Sondaı-aq Islandııada – 38,7, Ońtústik Koreıada – 28, Norvegııada – 26,8, Lıýksembýrgte 23,9 AQSh dollary.

Eń arzan et Kenııa (4,97), Gana (4,78), Nıgerııa (4,50), Ýganda (12) jáne Pákistanda (4,04) satylady.

Aıta keteıik, Ózbekstanda et ónimderi bir jylda 14,4 paıyzǵa qymbattaǵan. Osy taýardyń tutyný baǵasynyń ındeksin Statıstıka agenttiginiń mamandary bıylǵy aqpan aıynda tirkegen. Alaıda et túrlerin bólýde jaǵdaı basqasha: 2024 jyldyń aqpan aıymen salystyrǵanda súıekti sıyr eti 18,5%-ǵa, qoı eti 19,4%-ǵa qymbattady. Qus eti 0,8%-ǵa tómendedi.

Eske sala keteıik, Qyzylordada et baǵasy ózgerdi.