Tikushaq apaty: Zardap shekkenderge kómek kórsetiledi

AQTÓBE. KAZINFORM — Aqtóbe oblysynyń ákimdigi Mártók aýdany Saryjar aýyly mańynda bolǵan tikushaq apatynan zardap shekkenderge kómek kórsetedi. Bul týraly oblys ákiminiń baspasóz qyzmeti habarlady.

— Tikushaq apatynan zardap shekkenderge tıisti medıtsınalyq qoldaýdyń uıymdastyrylǵandyǵyn jáne qaza bolǵan azamattyń otbasyna jan-jaqty kómek kórsetiletindigin habarlaıdy. Marqum bolǵan azamattyń otbasyna jáne týǵan-týystaryna qaıǵyra kóńil aıtady, — dep habarlady Aqtóbe oblysy ákiminiń baspasóz qyzmeti.

Eske salsaq, búgin Mártók aýdany Saryjar aýylynda tikushaq apatqa ushyryp, janyp ketti. 

Ekıpajdaǵy adamdardyń bireýi oqıǵa ornynda kóz jumdy.

Eki naýqasty kúıik shalǵan. Olar Aqtóbe oblystyq kópsalaly aýrýhanada em qabyldap jatyr.