Tyıym salynǵan jerde shomylǵany úshin qansha aıyppul salynady
ALMATY. KAZINFORM — Óńirlik kommýnıkatsııalar qyzmetinde ótken baspasóz máslıhatynda Almaty qalasy tótenshe jaǵdaılar departamenti azamattyq qorǵanys basqarmasynyń aǵa ofıtseri Esbol Sultanov tyıym salynǵan jerlerde shomylǵany úshin turǵyndarǵa aıyppul salynatynyn aıtty.
«Sý aıdyndaryndaǵy qaýipsizdik erejelerin buzǵany nemese oryndamaǵany úshin jaýapty tulǵalar men azamattar «Ákimshilik quqyq buzýshylyq týraly» QR Kodeksiniń 412 - baby boıynsha 7 AEK (25 myń teńge) aıyppul túrinde ákimshilik jaýapkershilikke tartylatyn bolady», - dedi ol.
Almaty TJD qutqarýshylary demalýshylardy tek shomylý úshin jabdyqtalǵan oryndardy tańdaýǵa, sý aıdyndaryndaǵy tyıym salý belgilerine beı-jaı qaramaýǵa shaqyrdy.
Respýblıkalyq jedel-qutqarý jasaǵynyń súńgýir-qutqarý bólimshesiniń basshysy Andreı Bybchenkonyń sózinshe, eń negizgi másele – qaýipsizdik.
«Áreket algorıtmi, ádette árqashan nazar aýdarady. Siz qandaı da bir sý aıdynyna kelgende, aınalańyzǵa qarap, oǵan qutqarý quraldary, qutqarý munaralary men qutqarýshylardyń ózderi, sondaı-aq medıtsınalyq kómek kórsetý pýnkti bar ekenine kóz jetkizýińiz kerek. Bul qalqandarda nemese munaralarda árdaıym qutqarý sheńberi bolady, ony sýǵa batyp jatqan adamǵa tastaýǵa bolady. Eger siz adamnyń sýǵa batyp bara jatqanyn kórseńiz, aınalańyzdaǵy adamdar ne bolyp jatqanyn kórýi úshin bar daýyspen kómekke shaqyrý qajet. Sol kezde belgili bir ýaqytta qajetti qyzmetter kómekke keledi», - dedi Andreı Bybchenko.
Qazir Almaty sý aıdyndarynyń shomylýǵa qaýipti aımaqtarynda aqparattyq stendter, bannerler, sondaı-aq osy jerde shomylýǵa tyıym salatyn qaýipsizdik belgileri ornatylyp jatyr.
Buǵan deıin Almatyda shomylýǵa ruqsat etilgen tórt oryn belgilengeni týraly jazǵan edik.
