«Tıtanık» kemesiniń sońǵy tiri qalǵan jolaýshysy Mılvına Dın ómirden ozdy

ASTANA. KAZINFORM – 97 jasynda «Tıtanık» kemesiniń sońǵy tiri qalǵan jolaýshysy Mılvına Dın baqılyq boldy. Ol Ulybrıtanııadaǵy Saýtgempton qalasyndaǵy qarttar úıinde qaıtys boldy. Saýtgempton — 1912 jyly ataqty keme óziniń alǵashqy jáne jalǵyz reısine shyqqan qala. Bul týraly The New York Times basylymyna silteme jasap, oxu.az agenttigi jazdy.

Katastrofa kezinde Dın nebári toǵyz aptalyq sábı bolǵan. Ol 705 qutqarylǵan jolaýshynyń arasynan eń kishisi bolyp esepteldi. Onyń ákesi qaıǵyly túnde qaza tapqan, sol apatta 1,5 myńnan astam adamnyń ómiri qıyldy. Mılvına bul tragedııany tek anasynyń áńgimelerinen bilgen — evakýatsııa kezinde otbasyn bólip, keıin olardy qutqarý kemesinde qaıta biriktirgen.

Uzaq jyldar boıy Mılvına qoǵamnyń nazarynan tys ómir súrdi. Óz qalaýy boıynsha kózge túspeýge tyrysatyn. Alaıda 1985 jyly «Tıtanık» kemesiniń qaldyqtary tabylǵannan keıin,  eske alý sharalaryna qatysa bastaǵan. Onyń taǵdyryna degen qyzyǵýshylyq 1997 jyly shyqqan «Tıtanık» fılminen keıin kúrt artty. Alaıda ózi bul fılmdi kórmegenin aıtyp, onyń oǵan tym aýyr ekenin moıyndaǵan.

Eske sala keteıik, buǵan deıin «Tıtanıkte» qaza tapqan jolaýshynyń saǵaty aýktsıonda 2,3 mln dollarǵa satylǵanyn jazǵan edik.