Tımýr Qulybaev qazaqstandyq óndirýshini qoldaýǵa ýáde etti
dep habarlady Ulttyq ál-aýqat qorynyń baspasóz qyzmeti.
Sharaǵa «QazMunaıGaz» UK AQ, «QazMunaıGaz» Barlaý Óndirý» AQ, «QazTransOıl» AQ, «QazTransGaz» AQ, «AMÓZ» JShS, «PSA», NCOC, Karachaganak Petroleum Operating BV, «Teńizshevroıl» JShS, Qazaqstannyń mashına jasaýshylar odaǵy, sondaı-aq otandyq taýar óndirýshiler kompanııalarynyń basshylary qatysty.
«Bizdiń aldymyzda qazaqstandyq úlesti 60 paıyzǵa deıin jetkizý mindeti tur, qanekı, bıznes jáne negizgi tapsyrys berýshiler - bárimiz bolyp birlese otyryp, osy mindetti oryndaýdy qolǵa alaıyq. «QazMunaıGaz» jáne «Samuryq-Qazyna» qazaqstandyq kásipkerlerdiń kásiporyn qurýlarynsha barynsha qoldaý kórsetedi», dep atap ótti T.Qulybaev.
«QazMunaıGaz» UK AQ basqarma tóraǵasy Qaıyrgeldi Qabyldın búgingi tańda QMG Qazaqstanda baqylaý-ólsheý quraldaryn, burandaly sorǵylardy, gaz aıyrý pýnktterin, ártúrli elektr-tehnıkalyq buıymdardy, súzgilerdi, burǵylaý qubyrlaryn jáne basqalaryn shyǵarý jóninde Qazaqstanda 21 jańa óndiris uıymdastyrý jumystaryn júrgizip jatqanyn aıtty. Qabyldanǵan sharalardyń nátıjesinde otandyq kásiporyndarda 600-den astam jumys oryndary ashylady.
Óz kezeginde T.Qulybaev qazaqstandyq óndirýshilerdi Atyraý munaı óńdeý zaýytynda aromatty kómirsýtektern óndirý boıynsha keshen salý jáne «Bozoı-Beıneý-Shymkent» gaz qubyryn salý sııaqty iri jobalarǵa tartý jóninde sharalar qabyldaýdy tapsyrdy.
Ol sondaı-aq bul oraıda Qashaǵan kenishin atap ótti. «Biryńǵaı keshendi turǵydan kelý qajet. «Samuryq-Qazyna» óz tarapynan tehnıkalyq jáne uıymdyq qoldaý, óndiristerdi uıymdastyrý jobalaryn qarjylandyrý jóninde qoldaý kórsetýge ýáde etedi», - dep málim etti ol.
Keńeste qazaqstandyq óndirýshiler álemdik standarttarǵa sáıkes bolýǵa, óz ónimderiniń sapasyn arttyryp, qunyn kemitýge, qaýipsizdik men qorshaǵan ortany qorǵaý standarttaryna saı bolýǵa umtylýy tıis ekeni atap ótildi.
