«Til - halyq janyn tanýdyń kilti» atty respýblıkalyq baıqaý jarııalandy

ASTANA. 23 tamyz. QazAqparat - «Qazaqstan Respýblıkasy Má­denıet jáne aqparat mı­nıstr­ligi men Qazaqstannyń orys qaýymy arasyndaǵy túsi­nis­tik pen árip­tes­tik týraly» memorandýmǵa sáıkes

Mádenıet jáne aqparat mı­nıstr­liginiń Til komıteti jáne Qazaq­stan­nyń Orys qaýymy «Til - halyq janyn tanýdyń kiltti» atty VI respýblıkalyq baıqaý jarııalady.

QazAqparat respýblıkalyq resmı basylymdarda jarııalanǵan osy respýblıkalyq baıqaý erejesiniń mátinin taratady.

«Til - halyq janyn tanýdyń kilti» VI respýblıkalyq baıqaýynyń erejesi

 «Qazaqstan Respýblıkasy Má­denıet jáne aqparat mı­nıstr­ligi men Qazaqstannyń orys qaýymy arasyndaǵy túsi­nis­tik pen árip­tes­tik týraly» memorandýmǵa sáıkes Mádenıet jáne aqparat mı­nıstr­liginiń Til komıteti jáne Qazaq­stan­nyń Orys qaýymy memlekettik tildi joǵary deńgeıde meń­ger­gen orys jastaryn anyqtaý jáne yntalandyrý, Qazaqstan Respýblıkasynyń memlekettik rámizderine jáne Qazaqstan Táýel­sizdiginiń nyshany retinde memlekettik tilge qurmetpen qa­raýdy qalyptastyrý, til má­denıetiniń deńgeıin jáne mem­lekettik tildi qoldaný bedelin arttyrý maqsatynda orys jastary arasynda qazaq tili bil­girleriniń «Til - halyq janyn tanýdyń kilti» baıqaýyn (budan ári «Baıqaý») jarııalaıdy. Baıqaý qazaq tilinde ótedi.

Baıqaýǵa qatysýǵa 14-22 jas aralyǵyndaǵy jastar shaqy­rylady. «Til - halyq janyn tanýdyń kilti» res­pýb­lıkalyq baıqaýy 2 ke­zeńde 2012 jylǵy 20 tamyzdan bastap 10 qarasha aralyǵynda ótedi.

I kezeń - óńirlik, 2012 jylǵy 20 tamyzdan bastap-10 qarasha aralyǵynda oblystar jáne Astana, Almaty qalalary boıynsha ótkiziledi.

II kezeń - respýblıkalyq, 2012 jylǵy 7 jeltoqsanda Almaty qalasynda ótedi.

Birinshi týrdyń uıym­das­tyrýshylary - jergilikti atqarýshy organdar jáne Qazaqstannyń orys qaýymynyń fılıaldary, aqtyq máreniń uıymdastyrýshylary - Mádenıet jáne aqparat mınıstr­ligi­niń Til komıteti jáne Qazaqstannyń orys qaýymy.

Óńirlik baıqaý komıssııalary baıqaýdyń respýblıkalyq kezeńine qatysýǵa bir úmitkerdi joldaıdy. Ótinishpen qosa Uıymdastyrý ko­mıteti usynǵan úlgide qatysýshynyń saýalnamasyn jáne «Baıqaý­dyń taqyrybyn qalaı túsinemin?» taqyrybyndaǵy tusaýkeserin jazbasha jáne elektrondyq nusqada usynady, onda baıqaýdyń taqyryby baıqaýǵa qatysýshynyń ózi týraly áńgimesimen ushtasady. Atalǵan tusaýkeser qatysýshylardy tanystyrǵan kezde paıdalanylatyn bolady.

Baıqaýdyń birinshi kezeńin ótkizý sharttary:

- birinshi nomınatsııa: tyńdalym, qazaq tiliniń leksıkasy men grammatıkasyn bilýge arnalǵan 50 test tapsyrmasy;

Test tapsyrmasyn oryndaý ýaqyty - 40 mınýt.

- ekinshi nomınatsııa jazbasha jáne aýyzsha bólikten turady:

a) jazbasha bólik: usynylǵan úsh taqyryptyń bireýine esse jazý. Esseniń kólemi: 1,5-3 bet. Tapsyrmany oryndaý ýaqyty - 30 mınýt.

á) aýyzsha bólik: belgilengen taqyryp boıynsha monolog qurý, ádilqazylar alqasynyń aýyzsha suraqtaryna jaýap berý (bılet alý arqyly).

- úshinshi nomınatsııa: kez kelgen janrdaǵy mátindi mánerlep oqý (úı tapsyrmasy).

Baıqaýdyń ekinshi kezeńin ótkizý sharttary:

«Qazaqstannyń tarıhy men mádenıetindegi tanymal tulǵalar» taqyrybynda aýyzsha tusaýkeser jasaý, Qazaqstannyń belgili qaıratkerleriniń bireýi jaıynda áńgimelep berý qajet (bılet júıesi, elektrondyq jáne t.b. nusqalar). Ýaqyt 3-5 mınýttan aspaýy tıis. Esimderdiń tizimin Uıymdastyrý komıteti usynady.

- ekinshi nomınatsııa: «Tuńǵıyq syr tunǵan qasıetti rámiz­der!» (QR memlekettik rámizderiniń 20 jyldyǵyna oraı) taqyry­bynda qazaq tilinde esse jazý, sonymen qatar essege qosymsha (4,5 joldan turatyn) orys jáne aǵylshyn tilderinde túıindeme jasaý (úı tapsyrmasy). Baıqaýǵa qatysýshylar esse taqyrybynda ádil­qazylar alqasynyń aldynda 3-5 mınýttyq sóz sóıleıdi, ádil­qa­zy­lardyń suraqtaryna jaýap beredi.

Esseniń nátıjeleri aldyn ala shyǵarylady, baıqaýǵa qatysýshylar esseniń elektrondyq jáne jazbasha nusqasyn 2012 jylǵy 5 qarashadan keshiktirmeı Uıymdastyrý komıtetine joldaýy tıis. Esse A4 formatyndaǵy paraqta basylyp, mátindik redaktory MS Word, qarpi Times New Roman, 12 kegl, aralyq ınterval 1,5 túrinde usynylýy qajet. Esseniń kólemi: 2-4 bet.

Esseniń sońǵy paraǵynda mynadaı aqparat qamtylýy tıis: aty, tegi, týǵan jyly, turatyn jeri, oqý ornynyń ataýy, mekenjaıy men baılanys telefony, elektrondyq poshtasy, qysqasha ómirbaıany. Sonymen qatar esseniń avtory 3h4 formatty (nemese erkin úlgidegi 4h6) fotosýretin joldaıdy.

- úshinshi nomınatsııa: qazaq ádebıeti men mádenıetin bilýge arnalǵan 30 test suraǵyn jáne «Shabyt juldyzy» shyǵarmashylyq tapsyrmasyn: qazaq ánin oryndaý, ulttyq bı, ulttyq aspaptarda oınaý, mánerlep oqý (úı tapsyrmasyn) oryndaýdan turady. Test oryndaý ýaqyty - 30 mınýt, shyǵarmashylyq tapsyrma 5-7 mınýttan aspaýy tıis.

Baıqaýǵa qatysýshy oryndalatyn nómiriniń mýzykalyq qosymshasyn tańdaıdy, ony Flash-dısk nemese CD-dıskige jazýdy qamtamasyz etedi.

Baıqaýdyń respýblıkalyq týrynyń jeńimpazdary men júl­degerleri dıplomdarmen, qatysýshylary alǵys hattarmen jáne alǵan ornyna sáıkes aqshalaı syılyqtarmen marapattalady. Respýblıkalyq týrǵa qatysýshylardyń esseleri jeke jınaq bolyp shyǵarylady. Baıqaýǵa qatysýshylardy daıyndaǵan oqytýshylarǵa sertıfıkattar beriledi.

Baıqaýǵa qazaq tilinde bilim beretin mektepterde jáne joǵary oqý oryndarynda «qazaq fılologııasy» mamandyǵynda oqıtyndar, sonymen qatar memlekettik til bilgirleriniń ótken jyldarǵy jeńimpazdary men júldegerleri qatystyrylmaıdy.

Anyqtama telefony: Astana q. 8 (717/2) 740510.

 Uıymdastyrý komıteti