«Tik-Tok-taǵy oıynnan balalar sýıtsıd jasaýda» - QR ІІM aqparatty joqqa shyǵardy

ASTANA. QazAqparat – Qazaqstandyqtar WhatsApp arqyly er adamnyń aýdıojazbasyn taratyp jatyr. Daýystyq habarlama avtory 13 jasar qyzy sýıtsıd jasaǵanyn, ol mundaı qadamǵa Tik-Tok áleýmettik jelisindegi oıynnan keıin barǵanyn aıtady. Mán-jaıdy Stopfake.kz anyqtady, dep habarlaıdy QazAqparat.

Er adamnyń aıtýynsha, qyzy 12 qańtarda óz-ózine qol salǵan. Dál sol kúni Tarazda turatyn taǵy eki bala Tik-Tok-taǵy oıyn kesirinen ómirin úzgen.

«12-si kúni 13 jasar qyzymdy joǵaltyp aldym. Áıelimmen úıge kelgende qyzymyzdy baspaldaqta asylyp turǵan kúıinde taptyq. Balalardyń telefonyn tekserip turyńyzdar, ótinemin. Munyń barlyǵy telefonnan eken. TikTok-ta bir oıyn bar, onda týrlardan ótedi. Aldymen, ustaranyń júzimen tamyryn kesedi, keıin asylyp óledi», - deıdi aýdıojazbadaǵy er adam.

Qazaqstannyń Іshki ister mınıstrligi bul aqparat jalǵan ekenin aıtady.

«Bul aqparat rastalǵan joq», – dep habarlady vedomstvonyń baspasóz qyzmetinen.