Tıbette 3 myń jyl burynǵy moladan qola qońyraýlar tabyldy

ASTANA.QazAqparat - Dúısenbi kúni Qytaı arheologtary Tıbet avtonomııalyq aýdanyndaǵy qorymnan  jasy 3 myń jyl bolatyn molany tapty, dep habarlaıdy «Sınhýa».

Aımaqtyq mádenı muralar ınstıtýtynyń arheology Shaka Vandýıdyń aıtýynsha, qorymdy qazý jumystary 2017 jyldyń shilde aıynan beri Sanda jazyǵyndaǵy Lanchen Tszanbo ózeniniń jaǵasynda júrgizilip kelgen.

«Arnaıy taldaý jumystary kórsetkendeı, tabyttar eki topqa bólinedi. Birinshisiniń jasy 3000-3500 jyl shamasynda bolsa, ekinshisi 2100 den 2300 jyl aralyǵynda. Tabyttyń biri tastan qalanǵan qorymda saqtalsa, ekinshisi topyraqqa kómilgen»,-deıdi Shaka Vandýı.

Sonymen birge tabyttardan  qyshtan daıyndalǵan ydystar men  zattar shyqqany aıtylady. Qoladan quıylǵan qońyraýlar tabylǵan bul tabyttar Tıbettegi eń ejelgi qorymdarǵa tıesili.

Foto: planet-today.ru