The Ring jýrnaly Alvaresti qazirgi zamannyń eń úzdik boksshysy dep tanydy

ASTANA. QazAqparat - Dúnıejúzilik boks qaýymdastyǵy (WBA) men Dúnıejúzilik boks keńesiniń  (WBC) tujyrymy boıynsha orta salmaqtaǵy álem chempıony meksıkalyq Saýl Alvaresti The Ring jýrnaly qazirgi zamannyń eń úzdik boksshysy dep tanydy. Bul týraly Twitter -degi WBC resmı paraqshasynda jazyldy, dep habarlaıdy QazAqparat.

28 jastaǵy Alvares kásibı rıngte 53 aıqas ótkizip, onyń elýinde jeńiske  jetken (34-i - nokaýtpen) jáne eki ret teń nátıje kórsetip, bir ret jeńilgen. Qyrkúıektegi sońǵy jekpe-jeginde tóreshilerdiń kópshiliginiń sheshimimen qazaqstandyq Gennadıı Golovkınnen basym túsken edi.

Sársenbi kúni Alvares DAZN  strımıngtik qyzmet kórsetý kompanııasymen sport álemi úshin rekordtyq somaǵa - $365 mln kelisim jasady. Boksshy men kompanııa arasyndaǵy kelisim 2023 jylǵa deıin 11 aıqasqa eseptelgen.