Teılor Svıft saılaýda Kamala Harrıske daýys beretinin málimdedi
ASTANA. KAZINFORM — Amerıkalyq ánshi Teılor Svıft qarasha aıynda ótetin prezıdent saılaýynda Kamala Harrısti qoldaıtynyn jetkizdi, dep habarlaıdy VVS.
Ol bul týraly Harrıs pen respýblıkalyq partııa úmitkeri Donald Tramp arasyndaǵy debat aıaqtalǵan soń aıtty.
«2024 jylǵy prezıdent saılaýynda daýsymdy Kamala Harrıs pen Tım Ýolzke beremin… Eger bizdi haos emes, tynyshtyq basqarsa, bul elde áldeqaıda kóp nárse jasaı alamyz dep oılaımyn», — dep jazdy ol Instagram-da Harrısti daryndy kóshbasshy dep atap.
Ol óziniń kópshilik aldynda sóıleý sheshimine Donald Tramp jarııalaǵan jasandy ıntellekt fotosýretteri áser etkenin aıtty. Onda Svıftiń respýblıkashyldar kandıdatyn qoldaıtyny kórsetilip tur.
«Bul jasandy ıntellekt jasaǵan jalǵan aqparattyń taralý qaýpin arttyrdy. Osydan keıin saılaýǵa qatysty naqty josparym men tańdaýymdy ashyq aıtýym kerek degen sheshimge keldim», — dep jazdy ol.
