Tergeýshiler kompıýterde kezektesip jumys isteıdi - Bas prokýratýra
«Qazirgi kezde qylmystyq isti onlaın rejimde júrgizýge bolady. Máselen, búginde 250 qylmystyq is elektrondy formatta qaralyp jatyr. Sotqa 33 is jiberildi. Osynyń arqasynda shalǵaı jerdegi qylmystyq isterdi júrgizý jumysyn Іshki ister mınıstri de, Bas prokýror da qadaǵalaı alady. Ondaıda falsıfıkatsııaǵa jol berilmeıdi. Advokat ta, zardap shekken adam da memlekettik organdardyń tabaldyryǵyn tozdyrmaı, aryzyn elektrondy nusqada bere alady», - deıdi M.Axmetjanov.
Onyń aıtýynsha, osy salada birqatar máseleler bar. Birinshiden, sıgnaldyń kúshi álsiz. Sonyń saldarynan elektrondy júıeniń jumysynda aqaýlyqtar bolady. Ekinshiden, qural-jabdyqtardyń tapshylyǵy bar. «Ókinishke qaraı, sot zaldarynyń barlyǵy birdeı tıisti texnıkamen jabdyqtalmaǵan. Sol sebepti otyrystardy jańa formatta ótkizý múmkin bolmaı otyr. Tergeýshilerge keńse texnıkalary jáne taǵy basqa materıaldar jetispeı jatady. Qazir biz «Tsıfrlyq Qazaqstan» baǵdarlamasy jaıynda aıtyp jatyrmyz. Alaıda pılottyq jobalardy iske asyrý barysynda mańyzdy bir másele anyqtaldy. Jergilikti jerde tergeýshiler men qylmystyq protsestiń basqa da qatysýshylary kompıýterlerde kezektesip jumys isteıdi. Budan bólek, keıbireýleri keńse texnıkasyn qoldana almaıdy», - de atap kórsetti M.Axmetjanov.
