Teńiz ken ornynda munaı óndirý qaıta jandandy

ATYRAÝ. KAZINFORM — «Teńizshevroıl» kompanııasy elektr energııasyn taratý júıesi qaýipsiz túrde iske qosylǵanyn jáne shıki munaıdyń bastapqy óndirý jumystary qaıta bastalǵanyn málimdedi.

Kompanııanyń taratqan resmı aqparatyna súıensek, qazirgi ýaqytta óndiris kólemi múmkindigine qaraı kezeń-kezeńimen arttyrylyp jatyr.

- TShO qaýipsiz ári senimdi óndiristi qamtamasyz etý qaǵıdattaryna adal bolyp qala beredi. Budan ózge TShO óz óndiristik qyzmetiniń egjeı-tegjeılerine túsinikteme bermeıdi,-dep málimdedi kompanııanyń baspasóz qyzmeti.

Eske salaıyq, 18 qańtarda Teńiz ken ornynda órt bolyp, 450-den asa jumysshy evakýatsııalanǵan edi.

Bir kúnnen keıin TShO Teńiz jáne Korolev ken oryndaryndaǵy óndiristi ýaqytsha toqtatqanyn habarlady.

Bul jaǵdaıdan soń Atyraý oblysy boıynsha ekologııa departamenti Teńiz ken ornynda bolǵan jaǵdaıdan keıin gaz zaýyttyń qoldanysyndaǵy fakelde jaǵylǵany jóninde aqparat taratty.