Tennısten Parma týrnıri Pýtıntseva men Qulambaeva úshin sátti bastaldy
ASTANA. KAZINFORM – Qazaqstannyń ekinshi, álemniń 29-raketkasy ıÝlııa Pýtıntseva Parma (Italııa) chellendjer týrnırin jeńispen bastady.
Jarystyń 1-raketkasy bolyp tirkelgen ıÝ.Pýtıntseva alǵashqy aınalymda dúnıejúzilik reıtıngide 139-orynda turǵan japonııalyq Ena Shıbaharanyń meselin qaıyrdy.
Qazaqstandyq tennısshi 6:3, 6:4 esebimen jeńiske jetti.
Bir saǵat 19 mınýtqa sozylǵan básekede Pýtıntseva 1 eıspen birge 7 breık-poınttyń tórteýin paıdalandy. Shıbahara 2 eıs, 1 breıkpen (9 breık-poınt) shekteldi.
ıÝlııa Pýtıntseva shırek fınalǵa shyǵý úshin reıtıngide 299-satydaǵy germanııalyq Anna-Lena Frıdzammen talasady.
Taǵy bir qazaqstandyq tennısshi Jibek Qulambaeva juptyq synda ıtalııalyq Nıkol Fossa-Ýergomen birge shırek fınalǵa joldama aldy.
Qazaqstandyq-ıtalııalyq jup tartysty matchta majarstandyq Anna Bondar – shveıtsarııalyq Sımona Valtertti utty – 3:6, 6:4, 10:8. Oıyn 1 saǵat 37 mınýtqa sozyldy.
J.Qulambaeva shırek fınalda Qazaqstannyń juptyq syndaǵy 1-raketkasy Anna Danılınamen kezdesýi múmkin. Ol úshin jarystyń 1-raketkalary bolyp tirkelgen A.Danılına – ıtalııalyq Anjelıka Moratellı alǵashqy básekede belgııalyqtar ıAnına Vıkmaıer – Kımpberlı Tsımmermandy utýy kerek.
Eske sala keteıik, budan buryn Dmıtrıı Popkonyń Zagrebtegi týrnırde qarsylasyn utqanyn jazǵan edik.
Sondaı-aq Aleksandr Shevchenko Frantsııadaǵy jarysta jergilikti tennısshini jeńdi.