Tennısten álem chempıonatynyń irikteý satysynda Qazaqstan Japonııamen oınaıdy

Tennısten Bıllı Djın Kıng kýbogi irikteý kezeńiniń jerebesi tartyldy, dep habarlaıdy Kazinform.

Qazaqstan tennıs federatsııasynan málim etkenindeı, qazaqstandyq áıelder quramasy komandalyq álem chempıonatynyń irikteý satysynda Japonııamen oınaıdy.

Match aldaǵy jyly 12-13 sáýir kúnderi Japonııada ótedi. Jeńgen komanda fınaldyq kezeńge joldama alady. Іrikteý matchy tórt jekeleı jáne bir juptyq kezdesýden turady.

Bıyl Qazaqstan áıelder quramasy Bıllı Djın Kıng kýboginiń fınaldyq kezeńinde óz tarıhynda ekinshi ret baq synaǵan edi.

Eske sala keteıik, budan buryn Denıs Evseevtiń Ispanııadaǵy týrnırdiń fınalynan tys qalǵanyn jazǵan bolatynbyz.