Teńgeniń jańa dáýiri bastaldy - Tımýr Súleımenov
Qazaqstanda senimdi qarjylyq ınfraqurylym men naryqtyq ekonomıkaǵa beıimdelgen bank júıesi quryldy. Joǵary sapaly qarjylyq qyzmetter elimizdiń árbir turǵynyna qoljetimdi.
Bul týraly Ulttyq bank tóraǵasy Tımýr Súleımenov Qazaqstan qarjygerleriniń XI kongresinde aıtty, dep habarlaıdy Kazinform.
«Zaıyrly memleket qalyptasý kezeńinde teńgeniń engizilýi tolyqqandy qarjy júıesin qalyptastyrýǵa jáne elimizdiń memlekettiliginiń irgetasyn nyǵaıtýǵa múmkindik berdi. Ol aqsha-nesıe saıasaty táýelsizdiginiń negizin qalady»,- dedi Ulttyq bank tóraǵasy.
Tımýr Súleımenov sońǵy bes jylda qolma-qol aqshasyz tólemderdi ilgeriletý jáne qarjylyq qyzmetterdi tsıfrlandyrýdy qamtamasyz etýde jetistikterge qol jetkizilgenin atap ótti.
«Búgin teńgege - 30 jyl. Teńgeniń jańa dáýiri bastaldy. Biz ulttyq valıýtanyń – tsıfrlyq keńistiktegi dáýirdiń kýási boldyq. Tsıfrlyq teńge - qarjy júıesiniń jahandyq transformatsııasyna áser etetin eń mańyzdy trend ekenin bilesizder», - dedi ol.
Ulttyq bank tóraǵasynyń sózinshe, búginde Qazaqstanda senimdi qarjylyq ınfraqurylym men naryqtyq ekonomıkaǵa beıimdelgen bank júıe quryldy. Joǵary sapaly qarjylyq qyzmetter elimizdiń árbir turǵynyna qoljetimdi.
