Teńgege baılanǵan alǵashqy steıblkoındi qaıdan alýǵa bolady

ASTANA. KAZINFORM — QR Ulttyq banki tóraǵasynyń orynbasary Berik Sholpanqulov teńgege baılanǵan alǵashqy steıblkoındi qaıdan jáne qalaı alýǵa bolatynyn túsindirdi.

Onyń atýynsha, krıptoteńgeni satý alý servısteri endi ǵana damyp keledi.

— Steıblkoın-teńgeni osy jobanyń negizgi qatysýshy Eýrazııalyq bank arqyly satyp alýǵa bolady, al tsıfrlyq ámııandy Intebix bırjasynda ashý múmkindigi bar. Tólem bolǵan jaǵdaıda, ıaǵnı krıptoteńge satyp alsam, endi krıptoteńge arqyly kez kelgen krıptoaktıvti satyp ala alamyn. Bul turǵyda bıtkoın nemese basqalaryn aıtyp turmyn, — dedi B. Sholpanqulov. 

Osy oraıda ol bıyl maýsym aıynda Ulttyq bank krıptokartany iske qosyp jatqanyn málimdegenin eske saldy

— Nelikten osynda Mastercard qatysyp jatyr? Biz krıpto-fıat arnalarynyń qamtamasyz etilgenin aıtyp otyrmyz. Eger sizdiń shotyńyzda krıptoaktıv túrindegi aqshańyz bolsa, ony Qazaqstan Respýblıkasy aýmaǵynda krıptokartalar arqyly kez kelgen nársege jumsaı alasyz. Sonymen qatar, kerisinshe teńgemen krıptoteńgeni satyp alǵanda, Solana jáne Intebix sııaqty ınvestıtsııalyq platformalardan basqa da aktıvterdi satyp alýǵa bolady, — dedi UB basshysynyń orynbasary.

Budan buryn habarlanǵandaı, Qazaqstanda teńgege baılanǵan alǵashqy steıblkoın iske qosyldy.