Teńge kýrsynyń nyǵaıýyna ne yqpal etti
Jyl basynan beri teńge 1 AQSh dollary úshin 458,24 teńgege deıin 1% nyǵaıdy. Bul týraly QR Ulttyq banki tóraǵasynyń orynbasary Vıtalıı Týtýshkın aıtty, dep habarlaıdy Kazinform.
«Jyl basynan Ulttyq qordan valıýta satý teńgege qoldaý kórsetti. Osy ýaqytqa deıin 8,8 mlrd AQSh dollary satyldy. Sondaı-aq, jyl basynan beri memlekettik baǵaly qaǵazdar naryǵyna beırezıdentterdiń kapıtal aǵyny 258 mln dollar boldy», — dedi Vıtalıı Týtýshkın Úkimettiń búgingi otyrysynda.
Spıkerdiń aıtýynsha, ımporttaýshylar tarapynan maýsymdyq suranystyń artqany baıqalady. Oǵan jobalardy iske asyrý tsıkliniń jandanýy barynsha yqpal etip otyr.
«Ulttyq Bank erkin baǵam belgileý rejımin ustanýdy jalǵastyrady jáne valıýtalyq ınterventsııalar júrgizbeıdi», — dep tolyqtyrdy V. Týtýshkın.
