Temirjoldar boıynda 100 km astam qorshaý ornatylady

ASTANA. QazAqparat – Kóliktegi polıtsııa men tasymaldaýshy kompanııa jelilik bólimsheleriniń basshylary temirjoldar boıyndaǵy oqys oqıǵalardy azaıtý amaldaryn qarastyryp jatyr, dep habarlaıdy QazAqparat «Qazaqstan temir joly» UK» AQ baspasóz qyzmetine silteme jasap.

Keńeste atalyp ótkendeı, temirjoldar boıyndaǵy oqys oqıǵalar Almaty, Shymkent, Aqmola jáne Qyzylorda jol bólimsheleriniń aımaqtarynda kóp tirkelgen. Negizgi sebep – adamdardyń abaısyzdyǵy jáne qaýiptiligi joǵary aımaqta erejelerdiń saqtalmaýy.

QTJ-daǵy magıstral obektilerinde turaqty negizde uıymdastyrý-tehnıkalyq is-sharalary júrgizilip keledi. Adamdardyń jolǵa ruqsatsyz shyǵýyna tosqaýyl qoıý úshin stantsııalarda shamamen 300 km qorshaý ornatylǵan. Bilim berý mekemelerinde túsindirý-profılaktıkalyq jumystarǵa kóp kóńil bólinedi. Tártip saqshylarymen birlesken reıdter júrgiziledi.

2024 jyldyń sońyna deıin Astana - Aqtóbe, Astana - Atyraý, Astana - Zaşıta, Almaty - Mańǵyshlaq, Almaty - Jezqazǵan, Astana - Oral ýchaskelerindegi temirjoldar boıynda 100 shaqyrymnan astam qorshaý ornatý josparlanyp otyr. Sondaı-aq, Jańaarqa (Qaraǵandy oblysy), Jińishke (Aqtóbe oblysy), Dostyq (Almaty oblysy) stantsııalarynda jerústi jaıaý júrginshiler ótkelderin salý kózdelgen.