Temirjolda jolaýshylarǵa kórsetiletin qyzmetter sapasy jaqsaryp keledi
Baspasóz týry barysynda jýrnalısterge «Almaty-2» vokzaly mańyndaǵy depoda vagondarǵa tehnıkalyq qyzmet kórsetý, vagondardy jazǵy kezeńde tasymaldaýǵa daıyndaý barysy kórsetildi. Temirjolshylar jyljymaly quram parkiniń jańarýy, jazǵy kezeńde jolaýshylardyń jol júrýiniń erekshelikteri, poıyz brıgadasy qyzmetkerleriniń daıyndyǵy, basqa da máseleler týraly aıtty.
Baspasóz týrynan soń «Jolaýshylar tasymaly» AQ basshylyǵy baspasóz máslıhatyn ótkizdi. Qazaqstanda ulttyq tasymaldaýshy jolaýshylar vagondary parkin jyl saıyn jańartyp keledi. Bul týraly jıynda «Jolaýshylar tasymaly» AQ Bas dırektory Jánibek Taıjanov aıtyp berdi.
«2010 jyldan bastap 2021 jylǵa deıin 1100-den astam vagon satyp alynsa, onyń 600-den astamy Talgo vagony. Bıyl «Jolaýshylar tasymaly» AQ 73 jańa vagon satyp alýdy josparlap otyr. Degenmen, qabyldanǵan sharalarǵa qaramastan, jolaýshylar vagondarynyń eskirgen parki «Jolaýshylar tasymaly» AQ-nyń negizgi máseleleriniń biri bolyp qalýda. Ulttyq tasymaldaýshyda 2000 vagon bolsa, sonyń 800-den astamy – eski úlgide, ıaǵnı, olardyń paıdalaný merzimi (28-den 44 jylǵa deıin) ótip ketken. Qyzmet etý merzimi ótkennen keıin vagondar parkten shyǵarylady. Vagondardy paıdalanýynyń merzimi – 28 jyl, biraq, ony uzartqan kezde jolaýshylar vagondary 44 jylǵa deıin jaramdy bola alady», - dedi Jánibek Taıjanov.
Sondaı-aq, spıker «Jolaýshylar tasymaly» AQ-da tazalyq pen tósek-oryn jabdyqtaryna qatysty jańa standarttar qabyldanǵanyn atap ótti.
«Vagondardy jınaý normatıvteri qaıta qaraldy jáne jolaýshylar poıyzdarynda klınıng jáne sanıtarlyq-gıgıenalyq quraldarmen jaraqtandyrý boıynsha jańa standart ázirlendi. 2019 jyldyń qarasha aıynan bastap jolaýshylarǵa arnalǵan tósek jabdyqtary - joǵary sapaly boldy. Mysaly, eger burynda tósek-oryn qarapaıym bózden bolsa, qazir sapaly matadan jasalǵan. Maqta tósenishteri sý ótkizbeıdi. Eger buryn kórpeler qysqy jáne jazǵy dep bólinse, qazir olar ámbebap – júnnen jasalǵan. Osylaısha, «Jolaýshylar tasymaly» AQ poıyzdardaǵy matrastardy, jastyqtardy, kórpelerdi aýystyryp, jańa standarttar boıynsha tigilgen jaımalarmen jáne jastyq tysymen jabdyqtaı bastady. Jolaýshylardyń talap-tilegine degen osyndaı saıasat nátıjesinde jumysta klıentke baǵdarlaný paıyzy aıtarlyqtaı jaqsardy», - dedi «Jolaýshylar tasymaly» AQ Bas dırektory Jánibek Taıjanov.
«Jolaýshylar tasymaly» AQ Bas dırektorynyń satý jáne klıenttermen jumys jónindegi orynbasarynyń mindetin atqarýshy Erlan Jımaılovtyń aıtýynsha, 2019 jyldyń shilde aıynda bıletter satylymy tolyǵymen «Mobıýs» elektrondy júıesine aýystyrylǵan.
«Ol halyq úshin bılet satyp alý jaǵdaıyn jaqsartýǵa múmkindik berdi. Bul jeke bılet kassalary (ońtaılandyrýdy esepke alǵanda 156 kassa), 3 myńǵa jýyq agenttik kassa, onyń ishinde poshta bólimsheleri, 15 ınternet saıt, onyń ishinde «QTJ» UK» AQ-nyń BILET.RAILWAYS.KZ saıty, «QTJ bıletteri» mobıldik qosymshasy men 30 myńǵa jýyq ózine-ózi qyzmet kórsetý avtomattary iske qosyldy. Jolaýshylarǵa klıentke brondalǵan oryn týraly sms-habarlamany rastaı otyryp, «Kútý paraǵy» boıynsha kezek tártibimen bıletterdi satyp alý múmkindigi berilgen. 2022 jyldyń 4 aıynda «Kútý paraǵy» qyzmeti arqyly 18300-den astam bılet rásimdeldi. Ótken jyldyń sáıkes kezeńimen salystyrǵanda bul kórsetkish 3,5 ese ósti. Onlaın satylymdar úlesi 70% qurasa, bul ótken jyl deńgeıinen 16% joǵary. Jol júrý qujattaryn elektrondyq satýdyń jetildirilgen júıesi bıletterdiń jasandy tapshylyǵyn barynsha azaıtýǵa kómektesti. Oryndar men kútý paraǵyn «aýlaýdy» bloktaý fýnktsııalary bar. Ol turǵyndarǵa bıletterdi «alypsatarlarǵa» júginbeı-aq satyp alýǵa múmkindik beredi. Bıletterdi satyp alý protsesi ashyq, sondyqtan bıletterdi satýmen baılanysty zańǵa qaıshy is-áreketter jasaý múmkin emes. Aıtý kerek, 2020 jyldyń qańtar aıynan bastap bıletterdi qaıta satqany úshin ákimshilik jaýapkershilik kúsheıtildi, aıyppul somasy 100-den 500 AEK-ke deıin ulǵaıtyldy, - dedi Erlan Jımaılov.
«QTJ» UK» AQ Alakólge joldamany qosa alǵanda, eldegi týrızmdi damytýǵa belsendi qatysyp keledi. Bıyl jazda 158 jolaýshylar poıyzyn uıymdastyrý josparlanýda. Onyń ishinde «Jolaýshylar tasymaly» AQ 107 marshrýtqa, jeke tasymaldaýshylar 30 marshrýtqa qyzmet kórsetedi jáne 21 tranzıttik memleketaralyq poıyz qatynaıtyn bolady.
«Jolaýshylar tasymaly» AQ Bas dırektory Jánibek Taıjanovtyń aıtýynsha, Alakól baǵytynda 11 marshrýt qarastyrylǵan.
Nur-Sultannan aptasyna 2 ret:
- № 54/53 «Nur-Sultan NJ – Dostyq» (tasymaldaýshy «Jolaýshylar tasymaly» AQ);
-№258/257 «Nur-Sultan-1 – Dostyq» (tasymaldaýshy «Jolaýshylar tasymaly» AQ) poıyzdary júredi.
Týrıster kúnara toqtaýsyz júretin:
- №121/122 Nur-Sultan – Semeı (jeke tasymaldaýshy AraıTransKZ JShS);
- №6941/6942 «Aqtoǵaı-Dostyq» (tasymaldaýshy «Jolaýshylar tasymaly» AQ) poıyzdar vagondaryn paıdalana alady.
Almatydan Alakól jaǵajaılaryna aptasyna 3 ret:
- № 221/222 «Almaty-2 – Dostyq» (tasymaldaýshy «Jolaýshylar tasymaly» AQ);
- № 137/138 «Almaty-2 – Dostyq» (jeke tasymaldaýshy «Vagon Servis» JShS) poıyzdary qatynaıdy.
Kúnara júretin №21/22 Qyzylorda – Semeı (tasymaldaýshy «Jolaýshylar tasymaly» AQ) jáne №6941/6942 «Aqtoǵaı – Dostyq» (tasymaldaýshy «Jolaýshylar tasymaly» AQ) poıyzdarynyń quramynda tikeleı qatynaıtyn vagondar bolady.
Ulttyq tasymaldaýshy «Talgo» vagondy poıyzdarmen:
- №211/212 «Almaty-2 – Dostyq» poıyzy kúnara (tasymaldaýshy «Jolaýshylar tasymaly» AQ) jáne de № 453/454 «Almaty-2 - Dostyq» poıyzy aptasyna 3 ret qatynaıtyn (tasymaldaýshy «Jolaýshylar tasymaly» AQ) 2 marshrýt uıymdastyrýdy josparlap otyr.
Shyǵys Qazaqstan oblysynan týrıster kúnara qatynaıtyn №459/460 «Óskemen – Dostyq» quramdaryn paıdalana alady (tasymaldaýshy «Jolaýshylar tasymaly» AQ);
- №6941/6942 «Aqtoǵaı-Dostyq» (tasymaldaýshy «Jolaýshylar tasymaly» AQ) kúndelikti aınalymda.
Abaı oblysynan kúnara Alakól jaǵalaýyna №457/458 «Semeı – Dostyq» poıyzy (tasymaldaýshy «Jolaýshylar tasymaly» AQ) qatynaıtyn bolady.
«Josparly túrde kórshi elderden 21 memleketaralyq poıyzdy iske qosý josparlanyp otyr. Búgingi tańda Qazaqstannan Reseıge jáne Ózbekstanǵa «Atyraý-Astrahan», «Almaty-Tashkent», «Nókis-Beıneý» baǵyttary boıynsha memleketaralyq poıyzdar júrýde. Sonymen qatar, bıyl maýsym aıynan bastap «Qaraǵandy – Samara», «Qaraǵandy – Omby», «Almaty-2 – Qazan» baǵytyndaǵy poıyzdardyń júrýi bekitildi», - dedi Jánibek Taıjanov.
Ol sondaı-aq, Qazaqstanda temirjol jolaýshylaryna arnalǵan jeńildikteri bar úsh dıskonttyq kartalar týraly aıtty.
«Talgo» poıyzymen jıi júretinderge arnalǵan «Saıahatshy» dıskonttyq kartasy shyqty. Kartanyń jeńildik mólsheri «Tulpar-Talgo» jolaýshylar poıyzymen sońǵy 12 aıda jasaǵan saparlardyń jalpy qunyna baılanysty. 100 000 teńgeden 150 000 teńgege deıin, jeńildik mólsheri-10%; 150 001 teńgeden 200 000 teńgege deıin, jeńildik mólsheri -15%; 200 001 teńgeden joǵary jeńildik mólsheri-20%. Bul jeńildik tek «Tulpar-Talgo» poıyzdarynda ǵana qoldanylady. Karta tegin beriledi jáne eki jylǵa jaramdy.
Ekinshi, «Jolaýshylar tasymaly» AQ barlyq poıyzdarynyń jolaýshylary úshin «Altyn» dıskonttyq kartasy. Kartany Qazaqstan aýmaǵynda ǵana paıdalanýǵa bolady. Jeńildik mólsheri-25%. Kartany 15 jáne odan joǵary jastaǵy azamattar ǵana resimdeı alady. Kartany «Jolaýshylar tasymaly» AQ bılet kassalarynan 19 999 teńgege satyp alýǵa bolady. Jaramdylyq merzimi-1 jyl.
16-25 jas aralyǵyndaǵy jolaýshylarǵa arnalǵan «Jastar» dıskonttyq kartasy. «Talgo» kommertsııalyq poıyzdaryna temir jol bıletterin 25% jeńildikpen satyp alýǵa múmkindik beredi. Jeńildik «Týrıst» (2D) jáne «Otyratyn» (2S) sanatyndaǵy vagondarǵa qoldanylady. Dıskonttyq kartanyń quny-3 myń teńge. Ony «Jolaýshylar tasymaly» AQ bılet kassalarynan satyp alýǵa bolady. Jaramdylyq merzimi iske qosylǵan sátten bastap 1 jyl. Karta tek Qazaqstan azamattary úshin rásimdeledi», - dedi Jánibek Taıjanov.
Aıta keteıik, dıskonttyq kartalar tómendegi baǵyttarda qoldanylady:
№51/52 Almaty-2 — Oral
№105/106 Almaty — Petropavl
№712/711 Nur-Sultan — Shymkent
№29/30 Almaty-2 — Atyraý
№69/70 Almaty-2 — Óskemen
№111/11 Almaty-2 — Mańǵystaý.
