Temirtaýdaǵy jylý-elektr ortalyǵynda órt shyqty

NUR-SULTAN. QazAqparat – Temirtaýdaǵy jylý elektr ortalyǵynda órt shyqty. Bul týraly QR Ekologııa, geologııa jáne tabıǵı resýrstar mınıstrligi málim etti, dep habarlaıdy QazAqparat.

«Arselor Mıttal Temirtaý» AQ deparamentiniń aqparatynsha, 21 səýirde saǵat 18:25 kezinde kompanııaǵa tıesili JEO-BAS-ta (jylý-elektr ortalyǵy – bý aýa úrleýshi stansa) tútintartqy bóliminiń shatyry órtendi.

Qazirgi málimetke qaraǵanda, órttiń shyǵýyna JEO-BAS stansasynyń shatyryndaǵy gaz qubyryn jóndeý jumystary sebep bolýy múmkin.

Saǵat 18:45 órt aýyzdyqtalyp, tútin seıildi. Tekserý barysynda adamdar zardap shekpegeni,sondaı-aq qural-jabdyq pen tehnıkaǵa zaqym kelmegeni anyqtaldy. Órt sóndirýdi jeńildetý úshin №7 qazandyq ýaqytsha toqtatyldy.

Qazirgi mezette stansa qalypty jaǵdaıda jumys isteýde

«Órt shyqqan jerge Ekologııa departamentiniń zerthanalyq-taldamalyq baqylaý mamandary jetkizilip, sanıtarlyq-qorǵaý aımaǵy shekarasyndaǵy atmosferalyq aýa synamasy alyndy. Onyń nətıjesi týraly qosymsha habarlaıtyn bolamyz»,-delingen mınıstrlik habarlamasynda.

foto:instagram/temirtau.times