Temirtaýdaǵy jarylystan zardap shekken 7 adamnyń jaǵdaıy belgili boldy

TEMІRTAÝ. QazAqparat - Temirtaýda kópqabatty turǵyn úıde bolǵan gaz jarylysy saldarynan eki adamnyń denesin 70-80% kúıik shaldy. Zardap shekkender jansaqtaý bóliminde jatyr, dep habarlaıdy QazAqparat tilshisi.

«Búgin Temirtaý qalasynyń medıtsınalyq mekemelerine 7 naýqas jetkizildi. Onyń ishinde denesiniń kóp bóligin, shamamen 70-80% kúıik shalǵan eki eresek adam jansaqtaý bólimine jatqyzyldy.

Temirtaý qalasynyń balalar aýrýhanasyna gazben ýlanǵan 3 bala jansaqtaý bólimine jatqyzyldy. Reanımatsııa bólimderindegi naýqastardyń jaǵdaıy «turaqty aýyr» dep baǵalanady», - dep habarlady Qaraǵandy oblystyq Densaýlyq saqtaý basqarmasynyń baspasóz qyzmetinen.

Bir bala medıtsınalyq kómek kórsetilgennen keıin Qaraǵandy qalasynyń Oblystyq balalar klınıkalyq aýrýhanasyna joldandy. Aıaq-qoly kúıgen taǵy bir bala ambýlatorııalyq emdelýge jiberildi.

Sondaı aq sanıtarlyq avıatsııa jelisi boıynsha Temirtaý qalasyna kombýstıolog dáriger jiberildi.

Eske sala keteıik, búgin Temirtaý qalasyndaǵy bes qabatty úılerdiń birinde gaz ballony jarylyp, 7 adam, sonyń ishinde 5 bala aýrýhanaǵa jetkizilgen bolatyn.