Temirtaýda jeńil kólik tórt adamdy qaǵyp ketken

TEMІRTAÝ. QazAqparat - Temirtaýda jeńil kólik jaıaý júrginshiler jolynan ótip bara jatqan tórt adamdy qaǵyp ketti. Bir adam aýrýhanaǵa jetkizildi, dep habarlaıdy QazAqparat tilshisi.

Oqıǵa 31 jeltoqsanda saǵat 19:20-da bolǵan. «VAZ 2114» avtokóliginiń 23 jastaǵy júrgizýshisi Abaı kóshesimen B. Momyshuly dańǵylyna qaraı júrip bara jatyp, jaıaý júrginshiler ótkelinde tórt adamdy qaǵyp ketken.

«Apat saldarynan 54 jastaǵy jaıaý júrginshi medıtsınalyq mekemege jetkizildi.

Fakt polıtsııada tirkeldi jáne tıisti saraptamalar taǵaıyndaldy ,olardyń nátıjeleri boıynsha protsestik sheshim qabyldanady», - dep habarlady Qaraǵandy oblysy PD baspasóz qyzmeti.

Qalǵan úsh adam medıtsınalyq kómekten bas tartqan.

Vıdeodan alynǵan kadr