Temirtaýda salmaǵy 5 keliden asatyn alyp bala dúnıege keldi
Bul - Baıan Júrmaǵanbetovanyń tórtinshi balasy. Otbasynda eki qyz ben bir ul bar.
Al tórtinshisin 22 aqpanda bosanǵan. Sol kúni júkti áıel tolǵaǵy bastalyp, Temirtaý qalasynyń Kópsalaly ana men bala ortalyǵyna túsken.
Birer saǵattan soń kelinshek aman-esen aıaq-qolyp baýyryna jınap, batyryn dúnıege ákelgen. Qazir náreste men anasy dárigerlerdiń baqylaýynda.
«22 aqpanda jedel járdem kóligimen júkti áıel Temirtaý qalasynyń kópsalaly ana men bala ortalyǵyna jetkizilgen. Sol kúni bosandy. Salmaǵy - 5 055 gramm jáne boıy 57 santımetr er bala dúnıege keldi», - dep habarlady Qaraǵandy oblysynyń densaýlyq saqtaý basqarmasy.
Baıan Júrmaǵanbetova dárigerlerge kásibıligi jáne sábıin aman esen dúnıege alyp kelýge kómegi úshin alǵys aıtty.
«Júktilik kezinde qıyn boldy, biraq jeńil bosandym. Dárigerler meniń kúsh-jigerimdi baqylap otyrdy, men tabıǵı jolmen bosandym. Kesar tiligin jasaı ma dep ýaıymdap edim, biraq Alla taǵala men dárigerlerdiń arqasynda bári oıdaǵydaı ótti», - deıdi Baıan Júrmaǵanbetova.
Akýsherlik tájirıbede balalardyń joǵary salmaqpen dúnıege kelýi jıi kezdesedi, Salmaǵy 4 kelige deıin týylǵan náresteler úlken bolyp sanalady.
Al salmaǵy 5 keliden asatyn alyp balalardy dárigerler batyrlar dep ataıdy.
Qaraǵandy oblysynda salmaǵy joǵary balalar jıi týylady. 2022 jyly úlken salmaqpen 54 náreste, jánede salmaǵy óte joǵary 10 alyp bala dúnıege kelgen.
Onyń ishinde eń úlkeniniń salmaǵy 6520 gramm boldy. Ol batyr bala oblystyq klınıkalyq aýrýhananyń perınataldyq ortalyǵynda dúnıege keldi.
2023 jyldyń basynan bastap oblysta úlken salmaqpen 4 sábı jáne Temirtaýdyń kópsalaly ana men bala ortalyǵynda bir alyp bala dúnıege kelgen.
