Temirtaýda bir kúnge murajaı qalashyǵy ashylady

TEMІRTAÝ. QazAqparat – 10 maýsymda Temirtaý qalalyq tarıhı-ólketaný murajaıynyń aldyndaǵy alańda «Murajaı qalashyǵy» is-sharasy ótedi. Murajaı 16 jyl qatarynan balalar men ata-analar úshin ár jazda demalys kúnderi uıymdastyryp keledi, dep habarlaıdy QazAqparat tilshisi.

Turǵyndar jeti oıyn-saýyq, zııatkerlik, shyǵarmashylyq jáne ınteraktıvti alańdardy tamashalaıdy. Jármeńke alańynda kóptegen ejelgi jádigerlerdi kórýge jáne saýda ónerin úırenýge bolady.

Tańǵajaıyp eksponattar qupııa qoraptarǵa salynyp, jasyrylady, al oıynǵa qatysýshylar kásipqoılarǵa onyń ne ekenin anyqtaýǵa kómektesedi.

Eko-stansada kelýshilerge qalany qoqystardan qalaı tazartý kerektigi aıtylady jáne ózderin ekolog retinde synap kórýge múmkindik beredi.

Ústel oıyndarynyń jankúıerleri úshin tarıhı loto uıymdastyrylady. Bul oıynda týǵan qalasynyń tarıhyn jaqsy biletin adam jeńimpaz atanady.

Art-stýdııada murajaı qyzmetkerleri kelýshilermen birge dostyqtyń ulttyq kilemin jasaıdy.

Al, «Qalalyq stadıonda» kúsh, eptilik pen jyldamdyqty tekserýge bolady.

Sondaı-aq, qala qonaqtary úshin sýperpazldar men «Altyn adam» fotoaımaǵy qol jetimdi bolady.

Іs-shara saǵat 11:00-de bastalyp, úsh saǵatqa sozylady.

Qalashyq barlyq sanıtarlyq normalardy saqtaı otyryp uıymdastyrylady.