Temir jol salasyna blokcheın tehnologııasy engizilmek
Atalmysh sharaǵa Kompanııanyń IT-qyzmeti, Qazaqstannyń IT-kompanııalary qaýymdastyǵy, «Atameken» UKP, «Transtelekom», «Qazaqtelekom», IBM, Microsoft, SAP, «BPTs banki tehnologııasy» basshylary men ókilderi qatysty.
«Kompanııa «Tsıfrlyq Qazaqstan» memlekettik baǵdarlamasy aıasynda «Tsıfrly temir jol» baǵdarlamasyn jasady. Ol negizi bıznes úderisterdi avtomattandyrýǵa baǵyttalǵan»,- dedi «QTJ» UK» AQ aqparattyq tehnologııa jónindegi vıtse-prezıdenti Arman Nuryshev.
«QTJ» UK» AQ fılıaly - «Avtomattandyrý jáne tsıfrlandyrý dırektsııasynyń» dırektory Serik Tólebaev «Tsıfrlyq temir jol» baǵdarlamasyn júzege asyrý jaıy týraly áńgimeledi. Onyń negizgi baǵyttary elektrondyq kommertsııa, óndiristik Internet, kóp málimetterdi saraptaýǵa toqtaldy.
«Óndiristik úderisterdi tsıfrlandyrý qyzmet kórsetý sapasyn kóterýge múmkindik áperedi. Onyń ishindegi bolashaǵy zor baǵyty blokcheın tehnologııasy. Ol arqyly logıstıkalyq tizbekke qatysýshylar aqparat almasý men saqtaý qyzmetterin jaqsartady»,- deıdi S. Tólebaev.
Qazirgi tańda álemdik taýar almasýdyń toqsan paıyzy konteınermen júzege asyrylady. Olardy jetkizýge 30-ǵa jýyq logıstıkalyq tizbek qatysýshylary kirisedi. Onyń qatarynda júk jóneltýshiler, júk qabyldaýshylar, tasymaldaýshylar, keden jáne baqylaý organdary, solarmen qatar 200-den astam ózara aqparat almasý sharalary ótkiziledi.
«Blokcheın bul tizbektegilerdiń is áreketterin kádimgi smartfon arqyly tireıdi. Ol óz kezeginde taýarlardyń ilespe qujattaryn resimdeýdi qajet etpeıdi»,- S. Tólebaev.
Qazaqstandyq jáne sheteldik IT- kompanııalarynyń ókilderi blokcheın tehnologııasyn temirjol salasyna engizý týraly óz oılaryn ortaǵa saldy.
Blokcheın tehnologııasy temirjol salasynda elektrondy qujat almasýda keńinen qoldanylyp, kólik-logıstıkalyq tizbekti avtomattandyrý arqyly jyldamdyqty jaqsartyp, senimdi, qaýipsiz etip, sonymen qatar tasymaldaý úderisiniń barlyq túrine ketetin shyǵyndy azaıtady.
Blokcheın standarty sonymen qatar tasymaldaý kóleminiń shamasyn anyqtaý, jyljymaly quramnyń tehnıkalyq jaǵdaıy týraly aqparattardy saqtaý, onyń ishinde jóndeý kásiporyndaryndaǵy qosalqy bólshekterdi qoldaý jaıy da qamtylady.
