Telejýrnalıst Dılıa Ibragımova ómirden ótti
ASTANA. KAZINFORM — Belgili telejýrnalıst Dılıa Ibragımovanyń ómirden ótti. Bul týraly Mádenıet jáne aqparat mınıstrligi habarlady.
Mádenıet jáne aqparat mınıstrligi belgili telejýrnalıst Dılıa Ibragımovanyń ómirden ótýine baılanysty týǵan-týystary men jaqyndaryna, áriptesterine kóńil aıtty.
— Dılıa Ibragımova uzaq jyl boıy «Habar» jáne «KTK» telearnalarynda sport jańalyqtaryn júrgizip, qazaqstandyq sport jýrnalıstıkasynyń eń tanymal jáne súıikti tulǵalarynyń biri boldy.
Otandyq jýrnalıstıkanyń damýyna ózindik zor úles qosty. Óziniń kásibı bilimi men azamattyq ustanymy arqyly jas býynǵa úlgi bola bilgen ardaqty jannyń jarqyn beınesi týǵan halqynyń jadynda máńgi saqtalady dep senemiz. Marqumnyń jany jánnatta, ımany salamat, topyraǵy torqa bolsyn, — delingen mınıstrlik habarlamasynda.