Telefon arqyly alaıaqtyq jasaıtyndarmen kúres qalaı júrip jatyr

ASTANA. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın telefon arqyly alaıaqtyq jasaıtyndarmen kúres qalaı júrip jatqanyn aıtty, dep habarlaıdy QazAqparat tilshisi.

«Bul máseleni birneshe ret Іshki ister mınıstrligi ókilderin jáne operatorlardy birge jınap, talqyladyq. Uıaly baılanys operatorlary tıisti ıntegratsııany júrgizip jatyr. Olardyń árqaısysy jekeleı alaıaqtardy anyqtaýdy úırenip keledi. Endi olar bir-birimen jalpy aqparat almasýdy kúsheıtý baǵytynda tıisti ıntegratsııany iske asyryp jatyr. ıAǵnı, bul jumystar alaıaqtar nómirlerin anyqtap, olardy buǵattaýǵa baǵyttalǵan. Osy oraıda olar alaıaqtar paıdalanatyn nómirlerdi buǵattaýdy úırendi. Qazir alaıaqtardyń áreketteri azaıyp keledi. Degenmen, bul alaıaqtardyń bizdiń telefon nómirlerimizdi paıdalanýy jáne olardy shetelge shyǵarý múmkindigi áli de bar», - dedi B. Mýsın Májilistegi Úkimet saǵatynda depýtattar suraǵyna jaýap bere otyryp.

Osy oraıda ol telefon arqyly alaıaqtyq jasaıtyndarmen kúres qalaı júretinin aıtty.

«Bul jerde bir sms arqyly nesıe berý múmkin bolmas úshin ekinshi deńgeıli banktermen máseleni pysyqtaý kerek. Búginde nesıe alý óte ońaı boldy. Biz úsh faktorly sáıkestendirýdi usynyp otyrmyz. ıAǵnı mindetti formattaǵy geometrııalyq sáıkestendirý kerek. Sms ekinshi faktor bolsa, úshinshi faktor aıasynda barlyq rásim elektrondyq qoltańbamen bekitilýi tıis», - dedi mınıstr.