Tegin doner taratqan aqtóbelik kásipkerge aıyppul salyndy
Aqtóbe qalasynyń eski bóliginde doner dúkenin ashqan kásipker áleýmettik jeli arqyly taǵamnyń tegin taratylatynyn habarlaıdy. Keshe saǵat 14:00-de saýda ornynyń ashylýy bolyp, oǵan birqatar bloger shaqyrylǵan. Adam kóp jınalady. Jastardyń top-tobymen júrip, bir-birin ıterip, alǵa umtylǵan sátinen túsirilgen vıdeo áleýmettik jeli arqyly tarap ketti.
Polıtsııa osy oqıǵa baılanysty ákimshilik is qozǵady.
«QR Ákimshilik quqyqbuzýshylyq týraly kodekstiń 505-baby boıynsha hattama toltyryldy. Kásipkerge 55 myń teńge aıyppul salyndy», - dedi oblystyq PD baspasóz qyzmetiniń jetekshisi Erbolat Sarqulov.
Eske salsaq, aqtóbelik jastar bıyl jazda jumys istep, 130 myń teńge jalaqy taba alady. Tabıǵı resýrstar jáne tabıǵatty qorǵaý basqarmasy arqyly 1 200 jas kógaldandyrý jumystaryn atqarady. Al, 800-i abattandyrý jáne qurylys salasyna baǵyttalady.
«Bıyl jastardyń jalaqysy ósti. Byltyr 100 myń teńge alsa, bıyl 120-130 myń teńge eńbekaqy beriledi. Bul – jastardyń jumysyna baılanysty beriletin jalaqy kólemi. Negizi 16-35 jas aralyǵyndaǵy jastar eńbekke aralasa alady. Mektep oqýshylary ata-anasynyń ruqsatyn alýy tıis. Jastardan jeke kýálik kóshirmesi, 075 anyqtamasy men jumyssyzdyǵyn rastaıtyn qujat suralady», - dedi «Jasyl el» jastar eńbek jasaqtary jáne «Atameken» stýdentter otrıadtary qoǵamdyq birlestiginiń tóraǵasy Nurjan Shańǵytbaev.