Tbılısıdegi sherýdiń úshinshi kúninde 44 adam jaraqat aldy

ASTANA. KAZINFORM – Olardyń 27-si narazylyq aktsııasyna qatysýshylar, 1 jýrnalıst jáne 16 Іshki ister mınıstrliginiń qyzmetkeri, dep habarlady Grýzııa Densaýlyq saqtaý mınıstrliginiń resmı akkaýnty. Ondaǵan adamǵa oqıǵa ornynda kómek kórsetildi, dep habarlady VVS. 

Sherýshilerge qarsy sý shashý, kózden jas aǵyzatyn gaz jáne tútin bombalary qoldanyldy. Sherýshiler polıtsııaǵa qaraı otshashý men feıerverk arqyly jaýap qaıyrǵan. 

- Tbılısıdegi úshinshi túngi narazylyq sharalarynan keıin 50 adam ustaldy, osylaısha jalpy ustalǵandar sany 200 adamǵa jetti, - dep habarlady «Rýstavı 2» telearnasy Іshki ister mınıstrligine silteme jasap.

Grýzııa astanasynda narazylyq sherýi bolyp jatqanyna búgin – tórtinshi kún. Olar premer-mınıstr Iraklıı Kobahıdze Grýzııanyń 2028 jyldyń sońyna deıin Eýropalyq Odaqqa qosylý týraly kelissózderden bas tartqanyn jarııalaǵannan keıin bastaldy.

Osylaısha narazylyqqa Kobahıdzeniń 28 qarashadaǵy málimdemesi sebep boldy. Onyń aıtýynsha, bıliktegi «Grýzın armany – Demokratııalyq Grýzııa» partııasy 2028 jyldyń sońyna deıin Eýropalyq Odaqqa kirý týraly kelissózder máselesin kún tártibine qospaý jáne qoǵamdastyqtyń barlyq bıýdjettik grantynan bas tartý týraly sheshim qabyldaǵan.

Aıta keteıik, buǵan deıin Grýzııada mıtıngige shyqqandar parlament ǵımaratyn órtegenin jazǵan edik.