Tájikstannyń memlekettik organdarynda 4 myńnan astam laýazym bos tur

ASTANA. KAZINFORM — Tájikstan memlekettik organdarynda áli de aıtarlyqtaı kadr tapshylyǵy bar, dep málimdedi TR Prezıdenti janyndaǵy Memlekettik qyzmet isteri agenttiginiń dırektory I. Idrıszoda. 

Agenttik dırektorynyń aıtýynsha, 2025 jyldyń 1 shildesindegi málimetke sáıkes, memlekettik organdarda 4102 laýazym bos tur. 

Aýyldardyń memlekettik organdarynda jáne ózin-ózi basqarý organdarynda 22 711 shtattyq birliktiń 18 609-y, ıaǵnı 81,9 paıyzy ǵana mamandarmen qamtamasyz etilgen.

— Búgingi tańda elimizde memlekettik organdarda 4682 áıel jumys isteıdi, ıaǵnı áıelder jalpy qyzmetkerler sanynyń 25,1 paıyzyn quraıdy. Sonymen qatar 1159 áıel basshylyq qyzmetterdi atqarady nemese basshylyqtaǵy áıelder jalpy basshylar sanynyń 19 paıyzyna teń, — dedi I. Idrıszoda.

Sondaı-aq ol Agenttik memlekettik qyzmettiń tartymdylyǵyn arttyrý jáne memlekettik apparatty kadrlyq jańartý boıynsha jumys júrgizip jatqanyn aıtty. Jas mamandardy tartýǵa, genderlik tepe-teńdikti qamtamasyz etýge erekshe kóńil bólinip jatqanyna nazar aýdardy.

Eske sala keteıik, Tájikstannyń joǵary oqý oryndary qazaqstandyqtar úshin 100 grant bóldi.