Tájikstanda azyq-túlik qaýipsizdigi 85%-ǵa jýyqtady

ASTANA. KAZINFORM — Tájikstanda azyq-túlik qaýipsizdigi 85%-ǵa jetti. Bul týraly búgin el parlamentine joldaǵan jyl saıynǵy Joldaýynda Tájikstan Respýblıkasynyń prezıdenti Emomalı Rahmon málimdedi, dep habarlaıdy Kazinform agenttiginiń menshikti tilshisi.

Memleket basshysy aýyl sharýashylyǵy qyzmetkerlerine janqııarlyq eńbegi men salany damytýǵa qosqan zor úlesi úshin alǵys bildirdi.

Onyń aıtýynsha, jahandyq klımattyq ózgeristerge qaramastan, 2025 jyly aýyl sharýashylyǵy óniminiń óndirisi 8,5%-ǵa artqan.

— 2025 jyl sońǵy onjyldyqtardaǵy eń ystyq jyl boldy, alaıda aýyl sharýashylyǵy óndirýshileri barlyq qıyndyqtardy eńserip, oń nátıjelerge qol jetkizdi, — dedi Emomalı Rahmon.

Ol azyq-túlik qaýipsizdigin qamtamasyz etý úshin strategııalyq qorlar qalyptastyrýdyń mańyzyn atap ótti, onyń ishinde eki jylǵa jetetin azyq-túlik rezervin qurý qajettigin aıtty.

Buǵan deıin Tájikstan 2037 jylǵa qaraı tolyǵymen «jasyl» elge aınalýdy josparlap otyrǵany habarlandy.