Tájikstan men Qytaı temirjol salýdy josparlap otyr

ASTANA. KAZINFORM - Jalpy uzyndyǵy 171 km bolatyn «Spıtamen – Istaravshan» jáne «Spıtamen – Istıklol» temirjolynyń qurylysyn Soǵdy oblysynyń tóraǵasy Radjabboı Ahmadzoda jáne Beıjiń ǵylymı-tehnıkalyq jáne zertteý ınstıtýtynyń prezıdenti Chen He bastaǵan qytaılyq mamandar toby talqylady, dep jazady HOVAR agenttigi.

Atalǵan baǵyttar boıynsha temirjol qurylysy Tájikstan ekonomıkasy úshin úlken mańyzǵa ıe ekendigi atalyp ótti. Eger temirjol salynyp, paıdalanýǵa berilse, bul ekonomıkanyń damýyna yqpal etedi.

Kólik jáne baılanys Tájikstan men Qytaı arasyndaǵy qarym-qatynastyń basym baǵyttarynyń biri sanalady, birqatar mańyzdy jobalar iske asyryldy.

Taraptar aldymen mamandar, ınjenerler men dızaınerler zertteý júrgizedi, sodan keıin temirjol salý týraly sheshim qabyldanady degen kelisimge keldi.