Tájikstan men Iran ózara vızasyz rejım engizbekshi

ASTANA. KAZINFORM – Tamyzdyń 10-nan bastap, Tájikstan Respýblıkasy men Iran Islam Respýblıkasy arasynda vızasyz rejım kúshine enedi, dep habarlaıdy Tájikstannyń Hovar agenttigi.

Vızasyz rejım eki el úkimetteriniń arasyndaǵy jalpyazamattyq sheteldik pasport ıeleri úshin vızany joıý jónindegi ózara túsinistik týraly Memorandým aıasynda júzege asyrylady.

Bul týraly Tájikstan Respýblıkasy Syrtqy ister mınıstrliginiń baspasóz hatshysy Shohın Samadı málim etti.

«Memleketterdiń jalpyazamattyq pasporttary bar turǵyndary eki eldiń aýmaǵynda eń alǵash 30 kúnge kirip, 90 kún boıy vızasyz júre alady»,-delingen habarlamada.

Sondaı-aq alǵashqy kezeńde vızasyz rejımdi «Dýshanbe – Tegeran» jáne «Tegeran – Dýshanbe» áýe baǵytymen júretinder ǵana paıdalana alatyny eskertildi.