Tájikstan Avıtsenna atyndaǵy halyqaralyq syılyq taǵaıyndady
ASTANA. KAZINFORM — Tájikstan prezıdenti Emomalı Rahmon 23 mamyr kúni medıtsına salasyndaǵy «Abýalı ıbn Sıno (Avıtsenna) atyndaǵy halyqaralyq syılyqty» taǵaıyndaý týraly jarlyqqa qol qoıdy, dep habarlaıdy Dýshanbe qalasyndaǵy Kazinform agenttiginiń menshikti tilshisi.
Prezıdent apparatynyń baspasóz qyzmetiniń málimetinshe, syılyq Tájik halqynyń uly ókili Abýalı ıbn Sınonyń densaýlyq saqtaý salasyna jáne álemdik medıtsınalyq ǵylymnyń damýyna qosqan úlesin moıyndaý maqsatynda bekitilgen.
— Onyń ǵylymı zertteýleri, teorııalary jáne praktıkalyq usynystary búginge deıin tek ǵylymı ári praktıkalyq mańyzyn saqtap qana qoımaı, jahandyq qoǵam densaýlyǵyn nyǵaıtýǵa yqpal etip keledi. Ásirese sońǵy jyldary adamzatty alańdatyp otyrǵan juqpaly aýrýlardyń aldyn alý salasynda mańyzdy ról atqarady, — delingen habarlamada.
Jarlyq syılyqty taǵaıyndaý tártibin, tıisti erejelerdi ázirleý men bekitýdi jáne onyń qoryn qurý máselelerin qamtıdy. Bul bastama tek el ishindegi emes, halyqaralyq deńgeıdegi medıtsına salasynyń ǵalymdaryn yntalandyrýǵa baǵyttalǵan.
— Bul syılyq halyqaralyq densaýlyq saqtaý men álemdik medıtsınalyq ǵylymnyń damýyna eleýli úles qosqan tulǵalarǵa beriledi, — dep málimdedi Tájikstan SІM.
Buǵan deıin birinshi toqsanda Tájikstanǵa shamamen 11 000 qazaqstandyq týrıst barǵanyn jazdyq.
