Tájikstanda taǵy da birneshe ret jer silkindi

ASTANA. QazAqparat – QR Tótenshe jaǵdaılar mınıstrligine qarasty seısmologııalyq tájirıbe-ádisteme ekspedıtsııasy 23 aqpan kúni Almaty ýaqytymen 14:01-de jer silkinisin tirkedi, dep habarlaıdy QazAqparat.

Jerasty dúmpýiniń oshaǵy Almaty qalasynan ońtústik-batysqa qaraı 606 shaqyrym jerde, Tájikstan aýmaǵynda ornalasqan. Energetıkalyq sanaty – 11.0. MPV magnıtýdasy – 5.0. Tereńdigi – 15 shaqyrym. MSK-64 baǵany boıynsha sezilgeni týraly málimetter joq.

Eske salsaq, búgin Tájikstanda bolǵan 7 baldyq jer silkinisi Almaty men Shymkentte sezildi. Sosyn taǵy da taǵy da 5,6 baldyq jer silkindi.