Tájikstanda Qazaqstannyń medıtsına kúnderi ótip jatyr
Shara barysynda QR Densaýlyq saqtaý vıtse-mınıstri Oljas Ábishev sóz sóıledi.
«Búgin Tájikstanda qazaqstandyq medıtsına kúnderiniń ashylýy ótti. Іs-sharanyń maqsaty - eki eldiń densaýlyq saqtaý salasyndaǵy yntymaqtastyqty kúsheıtý, medıtsınalyq uıymdar arasyndaǵy ózara is-qımyldy jandandyrý, Tájikstan men Qazaqstan azamattaryna medıtsınalyq kómek kórsetýdiń qoljetimdiligi men sapasyn qamtamasyz etý úshin tájirıbe, bilim, ınnovatsııa, tehnologııalarmen almasý»,-delingen habarlamada.
Qazaqstandyq delegatsııa quramynda jetekshi medıtsınalyq ortalyqtardyń, beıindi medıtsınalyq jáne sanatorııalyq-profılaktıkalyq uıymdardyń, medıtsınalyq joǵary oqý oryndarynyń, konsaltıngtik kompanııalardyń ókilderi bar.
Qazaqstannyń Densaýlyq saqtaý vıtse-mınıstri Oljas Ábishev óziniń quttyqtaý sózinde elimizdiń densaýlyq saqtaý júıesindegi reformalar týraly aıtty.
«Qazaqstanda densaýlyq saqtaý salasyna erekshe kóńil bólingen. Oǵan birden bir dálel, Qazaqstan Úkimeti 2020 jylǵy qańtardan bastap densaýlyq saqtaýǵa memlekettik shyǵystardy kezeń-kezeńmen ulǵaıtý týraly sheshim qabyldady. El prezıdenti Qasym-Jomart Toqaev densaýlyq saqtaý shyǵyndaryn 2025 jyly JІÓ-niń 5 paıyzyna jetkizýdi tapsyrdy. Qazir bul kórsetkish 3,2 paıyz. Elbasynyń tapsyrmasy boıynsha 2025 jylǵa qaraı MSAK jáne qoǵamdyq densaýlyq shyǵyndarynyń úlesi 60 paıyzǵa jetýi tıis», - dedi Oljas Ábishev.
Aıta ketý kerek, Densaýlyq saqtaý mınıstrligi statıstıkalyq derekterdi tsıfrlandyrý men sapasyn jaqsartý sharalaryn belsendi júrgizýde. «Densaýlyq saqtaýdy tsıfrlandyrý emhanalardaǵy kezekti 30 paıyzǵa qysqartýǵa múmkindik berdi. Medıtsınalyq uıymdar medıtsınalyq qujattamany qaǵazsyz júrgizýge kóshti. Medıtsınalyq aqparattyq júıelerde el halqynyń 95 paıyzyna jergilikti elektrondyq densaýlyq pasporttary jasalyp, toltyryldy. 2018 jyly dárimen qamtamasyz etý ortalyqtandyrylyp, dári-dármekter ashyq satyp alý ádisine aýysty, tegin dári-dármek berýdiń elektrondy esebi engizildi, biryńǵaı baılanys ortalyǵy iske qosyldy»,-dedi vıtse-mınıstr.
Forýmnyń ashylýynyń sońynda Densaýlyq saqtaý vıtse-mınıstri Oljas Ábishev Tájikstan tarapyna densaýlyq saqtaý salasyndaǵy jemisti yntymaqtastyq úshin alǵys bildirdi:
«Eki eldiń densaýlyq saqtaý júıesi salasyndaǵy senim men áriptestikti joǵary baǵalaımyz jáne ony damytýdyń bolashaǵy zor dep esepteımiz. Sondyqtan densaýlyq saqtaý máselelerindegi ózara tyǵyz is-qımyl bizdiń baýyrlyq baılanysymyzdy nyǵaıtýǵa jáne azamattardyń ómir súrý sapasyn jaqsartýǵa yqpal etetindigine senimdimin».
Esterińizge sala keteıik, Tájikstannyń Dýshanbe qalasynda 19-20 jeltoqsan aralyǵynda Qazaqstannyń medıtsına kúnderi ótedi. Іs-sharanyń birinshi kúni qazaqstandyq medıtsınadaǵy jetistikterge arnalǵan forým men kórme ótedi. Forýmǵa qatysýshylar Qazaqstannyń densaýlyq saqtaý reformalary týraly aqparat alady, tájirıbelik medıtsınada qoldanylatyn ınnovatsııalar jáne ozyq tehnologııalarmen tanysady.
Dıalogtyq alańdar medıtsınalyq týrızmdi damytý, kardıologııada zamanaýı tehnologııalardy qoldaný, kardıohırýrgııalyq qyzmetti damytý, reprodýktıvti hırýrgııaǵa qol jetkizý, densaýlyq saqtaýdy tsıfrlandyrý jáne t. b. máselelerdi talqylaýǵa shaqyrady.
Іs-sharanyń ekinshi kúni Dýshanbe qalasynyń jetekshi medıtsınalyq uıymdary bazasynda qazaqstandyq dárigerler tegin master-klasstar ótkizip, patsıentterdi tekseredi, keńes beredi.
Aıta ketý kerek, qazaqstandyq delegatsııa quramynda 80-ge jýyq adam bar jáne 30-dan astam spıker baıandama jasaıdy. Sonymen qatar, kórme stendterinde 15 joba usynyldy, al jalpy kórmege elimizdiń densaýlyq saqtaý júıesiniń 20 uıymy qatysty. Travmatologııa, kardıohırýrgııa, hırýrgııa jáne onkologııa baǵyttary boıynsha hırýrgııalyq operatsııalar jasalady, 15 master-klass ótkizý josparlanýda.
Sondaı-aq, Dýshanbedegi medıtsınalyq mekemelerde tájik patsıentterine neırohırýrgııa, travmatologııa, kardıologııa, otorınolarıngologııa, reprodýktologııa sııaqty baǵyttar boıynsha 10-nan astam qazaqstandyq medıtsınalyq uıymnyń dárigerleri konsýltatsııa beredi. Qazaqstan men Tájikstannyń medıtsınalyq uıymdary men joǵary oqý oryndary arasyndaǵy yntymaqtastyq pen ózara túsinistik týraly 20 astam memorandýmǵa qol qoıý josparlanýda.