Tájikstanda 4,4 magnıtýdasymen jer silkindi

ALMATY. QazAqparat – QR Tótenshe jaǵdaılar mınıstrligine qarasty «Seısmologııalyq tájirıbe-ádistemelik ekspedıtsııasy» JShS-niń seısmıkalyq stantsııalar jelisi saǵat 9:50-de jer silkinisin tirkedi, dep habarlaıdy QazAqparat.

Zilzala epıtsentri Almaty qalasynan ońtústik-batysqa qaraı 727 shaqyrym jerde, Tájikstan aýmaǵynda ornalasqan. Energetıkalyq sanaty – 10.1. MPV magnıtýdasy - 4.4. Tereńdigi - 10 km. Sezilýi týraly aqparat joq.

Buǵan deıin habarlaǵanymyzdaı, búgin túnde Taraz, Shymkent jáne Túrkistan turǵyndary 2-3 ball qýatymen jerasty dúmpýin sezindi. Jer silkinisiniń oshaǵy Almaty qalasynan ońtústik-batysqa qaraı 740 km qashyqtyqta Tájikstan aýmaǵynda ornalasty. Sondaı-aq terbelis Ózbekstannyń birqatar qalasyna jetti.

Tańǵy saǵat 06.27-de Qazaqstan seısmologtary Tájikstandaǵy jer silkinisin tirkedi.

Saǵat 07.53-te Tájikstan men Qyrǵyzstan shekarasynda jerasty qozǵalysy taǵy sezildi.

Qazaqstandyq seısmologtar saǵat 08.53-te de tájik elindegi zilzalany tirkedi.

Eske salaıyq, Qazaqstannyń 5 óńir turǵyndary jerasty dúmpýin 21 naýryz kúni de sezingen bolatyn. Zilzala oshaǵy Aýǵanstanda ornalasty. Aýǵan elindegi terbelis Pákistanǵa da jetti. Saldarynan kem degende 11 adam qaza bolǵany týraly buǵan deıin jazǵan edik.

22 naýryzda áleýmettik jelide Qazaqstanda jer silkinisi qaıtalanatyndyǵy týraly aqparat tarady. Alaıda, Túrkistan oblysy Tótenshe jaǵdaılar departamenti bul aqparattyń jalǵan ekendigin málimdedi.