«Tájen» jáne «Dáýit ata» ótkizý pýnktinde kólik keptelisi baıqalýda - Shekara qyzmeti

NUR-SULTAN. QazAqparat – UQK Shekara qyzmeti júrgizýshilerge «Tájen» jáne «Dáýit ata» ótkizý pýnktinde shekarany kesip ótýdi josparlaý kezinde kóliktiń baıaý ótip jatqanyn eskerýdi suraıdy, dep habarlaıdy QazAqparat vedomstvonyń baspasóz qyzmetine silteme jasap.

«Batys óńirlerde, sondaı-aq Reseı Federatsııasynyń Qazaqstan aýmaǵymen shekaralas oblystarynda aýa-raıynyń nasharlaýyna (kóktaıǵaq, qar kóshkini) baılanysty «Tájen» ótkizý pýnktinde (QR) júk kólik quraldarynyń (shamamen 150 avtomashına) keptelisi baıqalýda. Osyǵan uqsas jaǵdaı Ózbekstan Respýblıkasynyń irgeles «Dáýit ata» ótkizý pýnktinde de oryn aldy (shamamen 200 avtomashına)», delingen habarlamada.

Shekara qyzmeti júk kólik quraldarynyń, ásirese tez buzylatyn ónimdi tasymaldaıtyn júrgizýshilerden kórsetilgen ótkizý pýnktterinde shekarany kesip ótýdi josparlaý kezinde osy jaǵdaılardy eskerýin suraıdy.

«Shekara qyzmeti shekaralyq rásimderdi jedeldetý boıynsha sharalar qabyldaýda», delingen habarlamada.