«Taza sessııa» jemqorlyqtyń aldyn alady» - baspasózge sholý
***
«Daý-damaıly isterdiń qaralyp, sheshimin tabar jeri, negizinen, aýdandyq jáne oǵan teńestirilgen sottar. Narazylyq pen joǵaryǵa shaǵymdaný da osydan bastaý alady. Sot sheshimine eki jaqtyń da kelispeı jatatyn kezderi az emes. Munyń birneshe sebepteri bar. Aýdandyq jáne oǵan teńestirilgen sottardyń jumysynda kezdesetin kemshilikterdiń basym kópshiligi tóraǵalardyń sot jumysyn tıisti dárejede uıymdastyrmaýynan oryn alatyny aşy bolsa da shyndyq. «Uıymdastyra bilgen utady», - demekshi árbir tóraǵa óz ujymynda jumysty urshyqsha úıirgende ǵana sot bedeli ósip, is ilgeri baspaq. Árıne, halyq óz konstıtýtsııalyq quqyǵyn tek zań arqyly qorǵaı alatynyna kózi jetip sotqa burynǵyǵa qaraǵanda, kóbirek júgine bastady. Degenmen, kópshilik sotqa áli de úrkektep qaraıtynyn moıyndaýymyz kerek»,-dep jazady Shyǵys Qazaqstan oblystyq sotynyń tóraǵasy Dosjan Ámirov
«Egemen Qazaqstan» gazetinde jaryq kórgen « Kópshilik sottan nege úrkedi?» atty maqalasynda. Basty sebep, kópshiliktiń zańdy bilmeýinen, dálirek aıtsaq zań júzindegi saýatsyzdyǵynan. Árıne, sýdıalar tarapynan ketip jatatyn kemshilikter de kezdespeı turmaıdy. Іstiń qaraý merzimin sozyp, ne atústi qarap, qaralǵan istiń hattamasy zańda kórsetilgen merzimde daıyn bolmaı, qabyldaǵan sot aktisiniń kóshirmesin ýaqytyly bermeı, aldyna aryz-shaǵymmen kelgen kisige kóńil bólmeý, durys qabyldamaı, tipti, keıde qabyldamaı qoıý, dóreki minez kórsetý t.b. tolyp jatqan sýdıa ádebine jat qylyqtar týyndap jatatynyn aşy da bolsa ashyp aıtýymyz kerek. Osynyń bári sot qabyldaýyna kelgen azamattardyń oryndy ókpe-renishterin týdyrady.
Bas basylymda « Kaspııde joǵalǵan úsh balyqshy» atty materıal berilgen.
Oqıǵa qazan aıynyń 16-da Túpqaraǵan aýdanynyń aýmaǵyndaǵy Qarajanbas ken ornyna jaqyn mańda oryn aldy. Aqtaý qalasynan 215 shaqyrym qashyqtyqta rezeńke qaıyqqa otyrǵan úsh balyqshy jaǵaǵa qaıtyp oralǵan joq.
17 qazan kúni keshki saǵat 17.43-ter shamasynda bul oqıǵa Mańǵystaý oblystyq tótenshe jaǵdaılar departamentine habarlanǵan. «Aqtaý-Balyq Kompanııa» JShS-inen sýyt habar túsisimen atalmysh departamenttiń jedel-qutqarý toby men balyq qorǵaý ınspektsııasynyń qyzmetkerleri jumylyp, izdestirý jumystaryn bastady. Olar aýdarylǵan qaıyqty tapty, alaıda balyqshylardan áli derek joq. Kýágerler atalmysh qaıyqtan sýdan qutqarýǵa arnalǵan kúrteshelerdiń tabylǵandyǵyn aıtsa, mamandar teńiz ústinde tóńkerilgen rezeńke qaıyqtyń joǵalǵan balyqshylarǵa tıisti ekendigin aıtýda. Dál búgin balyqshylardy izdeýge teńiz ústine tikushaq kóterildi. Mańǵystaý oblystyq Tótenshe jaǵdaılar Departamenti baspasóz qyzmetiniń habarlaýynsha, buǵan deıin tikushaqpen izdeýge Mańǵystaýdaǵy sekýndyna 20-25 metrlik jyldamdyqpen soqqan jel men shańdy daýyl múmkindik bermepti. Qaıyqta bolǵan 1963, 1973 jáne 1975 jyly týǵan azamattar ekeni aıtylýda. ***
«Elimizdiń JOO-da emtıhan men sessııa kezinde jol beriletin jemqorlyqpen kúresý partııanyń negizgi ıdeologııalyq jumysy bolmaq. Búginde bilim ordalarynda birqatar jemqorlyq faktileri anyqtalyp jatqany jasyryn emes. Partııalyq «STOP-QYLMYS» jobasynyń negizgi tapsyrmalarynyń biri - qoǵamda jemqorlyqqa qarsy ımmýnıtet qalyptastyrý, qarjylyq qylmysty boldyrmaý. Osy joba aıasynda joǵary jáne orta bilim berý mekemelerinde «Taza sessııa» atty respýblıkalyq aktsııa ótkizý josparlanýda»,-dep jazady «Aıqyn» gazeti búgingi sanyndaǵy «Taza sessııa» jemqorlyqtyń aldyn alady» atty maqalasynda. Bilim ordalary bul isti birlese atqaryp, úlken jaýapkershilikpen qaraý úshin QR Bilim jáne ǵylym mınıstrligi rektorlarmen Qazaqstandaǵy joǵary oqý oryndaryndaǵy jemqorlyqqa qarsy kúres júrgizý jóninde deklaratsııaǵa qol qoıdy. JOO-daǵy jemqorlyqqa qarsy áreket jobasyn úılestirýshiler keńesiniń otyrysynda mór basylǵan bul qujatqa ázirge elimizdegi toǵyz bilim ordalarynyń rektorlary qol qoıyp úlgerdi. Olardyń qatarynda Rýdnyı ındýstrıaldyq ınstıtýty, Qazaq pedagogıkalyq ýnıversıteti, Qazaq gýmanıtarlyq zań ýnıversıteti, Eýrazııa ulttyq ýnıversıteti, sondaı-aq Qaraǵandy tehnıkalyq memlekettik ýnıversıteti bar. Bilim jáne ǵylym vıtse-mınıstri Tahır Balyqbaev jaqyn arada bul tizimdi elimizdiń túgel derlik bilim ordalary tolyqtyrady degen senim bildirdi.
Osy basylymda «28 panfılovshylar týraly fılm túsiriledi» degen maqala jaryq kórdi. Qazaqstan Respýblıkasynyń Mádenıet jáne sport mınıstrligi Italııanyń muraǵatynan Deshti Qypshaq kezeńinde jazylǵan «Kodeks kýmanıkýs», ıaǵnı qypshaq tili sózdiginiń elektrondy nusqasyn elimizge ákeldi. Bul týraly Ortalyq kommýnıkatsııalar qyzmetinde ótken brıfıng barysynda Mádenıet jáne sport mınıstri Arystanbek Muhamedıuly málim etti.
- Mádenıet jáne sport mınıstrligi men Italııanyń Muraǵat komıteti arasynda tıisti kelisim bar. Osy kelisimniń arqasynda jaqsy jumystar atqarylýda. Mysaly, Italııanyń muraǵatynda Deshti Qypshaq kezeńinde jazylǵan «Kodeks kýmanıkýs» shyǵarmasynyń túpnusqaǵa jaqyn túri saqtalǵan. Osy kelisimniń arqasynda biz bul qujattyń elektrondy nusqasyn Qazaqstanǵa ákeldik, - degen mınıstr bolashaqta tarıhı qujat negizinde kitap shyǵýy múmkin ekenin atap ótti. Arystanbek Muhamedıulynyń aıtýynsha, budan ózge Italııanyń muraǵatynan ultymyzdyń tarıhyna baılanysty basqa da qujattar tabylǵan.
- Jalpy, Italııanyń mádenıet jáne týrızm mınıstrligi muraǵattar bas dırektsııasymen aradaǵy qarym-qatynas óz tıimdiligin kórsetip otyr. Osy baılanystyń arqasynda bizdiń tarıhymyzǵa qatysty óte kóne kartany usynǵan Vatıkan jáne Rım muraǵattaryna da alǵys aıtamyz, - dedi A.Muhamedıuly.
Sondaı-aq birneshe kún buryn Reseıdiń buqaralyq aqparat quraldarynda 28 gvardııashy-panfılovshylar týraly fılmniń túsirilimine Qazaqstan 80 mln teńge bóldi degen aqparat jarııalanǵany belgili. Elimizdiń Mádenıet jáne sport mınıstri bul aqparatty rastady.
***
«Ana tili» gazetiniń sońǵy sanynda «Jýrnalıstıkanyń akademıgi atandy» degen materıal berilgen.
Jýyrda Respýblıkalyq «Qazaq ádebıeti» gazetiniń bas redaktory, belgili jazýshy Jumabaı Shashtaıuly men Qazaqstan Jazýshylar odaǵy basqarmasy tóraǵasynyń orynbasary, belgili aqyn, pýblıtsıst Janarbek Áshimjanǵa Qazaqstan Jýrnalıstıkasy Akademııasynyń akademıgi dıplomy tabys etildi.Dıplomdy Qazaqstan Jýrnalıstıkasy Akademııasynyń prezıdenti Saǵymbaı Qozybaev saltanatty túrde tapsyryp, dıplom ıeleriniń BAQ salasynda atqaryp kele jatqan erekshe eńbegin atap ótip, tolaıym tabystar tiledi. Atalǵan sharaǵa Qazaqstan Jýrnalıstıkasy Akademııasynyń akademıkteri, qalamgerlerdiń áriptesteri qatysyp, izgi lebizderin bildirdi.
Belgili ǵalym, qarymdy qalamger Saǵymbaı Qozybaev Qazaqstan Jýrnalıstıkasy Akademııasynyń otandyq jýrnalıstıka salasynyń mártebesin kóterýdegi úlesine toqtala kelip, áriptesterine shyǵarmashylyq tabys tiledi.
