«Taza paraqtan» reformasy bızneske qandaı serpin berýi múmkin
Qazirgi tańda memlekettik organdar tarapynan bızneske qoıylyp júrgen 10 108 talap «taza paraqtan» kásipkerlikti damytýdy jańa saıasatyna saı kelmeıdi. Ulttyq ekonomıka mınıstri Álibek Qýantyrov Úkimet otyrysyndaǵy sózin osydan bastady.
«Búgingi tańda kásipkerlikti retteýdiń 44 salasy túgel qaraldy. Onda 2 823 normatıvtik quqyqtyq akt taldanyp, 128 119 talap anyqtaldy. Ol talaptardyń 10 108-i nemese 8% jańa retteý saıasatynyń bazalyq sharttaryna sáıkes kelmeıdi», - dedi mınıstr.
Úkimet kýlýarynda ol basy artyq talaptardyń kóbi Indýstrııa jáne ınfraqurylymdyq damý, Densaýlyq saqtaý jáne Tótenshe jaǵdaılar mınıstrlikterinen qoıylatynyn aıtty.
Osy sáıkeskizdikterdiń bárin retteý úshin zańnamadaǵy 66 aktige ózgeris engizý usynylyp otyr.
«Zańdar boıynsha aıtsaq, ózgeristerdi talap etetin shamamen 66 zań aktisi anyqtaldy. Jumysty durys uıymdastyrý úshin ótken jyly úırenshikti ári tekserilgen tásil usynyldy. Atalǵan tásil boıynsha retteýdiń árbir salasyndaǵy jumys toptary túzetýler ázirlep, Ulttyq ekonomıka mınıstrligine jınaqtaýǵa joldaıdy. Qazirgi tańda mınıstrlik biryńǵaı pýldy qalyptastyrý úshin 15 sala boıynsha túzetýler jınaqtap aldy, 17 sala boıynsha túzetýler áli kútilip otyr», - dedi ol.
Condaı-aq, Ulttyq ekonomıka mınıstrligi kásipkerlikti retteýshi aktilerdiń tiziliminen shyǵarylǵan jáne merziminde joıylmaǵan talaptardy buzǵan kásipkerlerdi ákimshilik jaýapkershilikten bosatýdy usynyp otyr.
«Kásipkerlik salasyndaǵy mindetti talaptar tizilimi tsıfrlyq úkimetti qoldaý ortalyǵynyń bazasynda qurylǵanyn jáne Smart Data Ukimet platformasynda iske qosylǵanyn qosymsha atap ótemiz. Tizilim — retteýshi aktilerdi turaqty negizde qaıta qaraýdy qamtamasyz etetin, kásipkerlik ortaǵa teris áser etetin talaptarǵa qatysty «retteýshi gılotına» ádisin qoldanýǵa múmkindik beretin mindetti tetik. Tizilim retteýshi aktilerge olardyń jańa retteýshi saıasatyna sáıkestigi turǵysynan taldaý júrgizý merzimderin aıqyndaýdy kózdeıdi. Tizilimnen shyǵarylǵan jáne merziminde joıylmaǵan talaptardy buzǵany úshin kásipkerlerdi ákimshilik jaýapkershilikten bosatý – tizilimniń ereksheligi», - dedi Álibek Qýantyrov.
Úkimet basshysy Álıhan Smaıylov «taza paraqtan reformasy bıznesten nápaqasyn aıyratyn qazaqstandyqtardyń úlesin arttyrýǵa baǵyttalǵanyn eske saldy. Naqtyraq aıtsaq, reforma oıdaǵydaı iske assa, 2029 jylǵa qaraı bızneste jumys isteıtinder sanyn 4,7 mln adamǵa jetýi kerek.
«Bıznestiń turaqty da tabysty qyzmetine birinshi kezekte memlekettiń ózi múddeli. Kásipkerler osyny sezinýi kerek. Atqarylǵan jumystar 2029 jylǵa qaraı shaǵyn jáne orta bızneste jumys isteıtinder sanynyń 4,7 mln adamǵa deıin ósýine jáne memlekettiń ekonomıkadaǵy úlesin 14 %-ke deıin tómendetýge múmkindik beredi», - dedi Álıhan Smaıylov.
Otyrystan keıin Ulttyq ekonomıka mınıstri Álibek Qýantyrov pen Aqparat jáne qoǵamdyq damý mınıstri Darhan Qydyráli BAQ ókilderiniń saýalyna jaýap berdi.
Á.Qýantyrovtyń aıtýynsha naýryz aıynan bastap kommýnaldyq tarıfter kóteriledi. Ony qarapaıym turǵyndar sáýir aıyndaǵy túbirtekten kórerdi. Mınıstrdiń sózinshe, tarıftiń kólemi abonent qandaı kásiporynnyń qyzmetine paıdalanyp otyrǵanyna baılanysty qubylmaq. ıAǵnı, jelisi tozǵan, qondyrǵylary eski kásiporyndarda kommýnaldy tarıf qymbattaý shyǵýy múmkin. Ásirese, Ekibastuz, Rıdder sııaqty jylý júıesiniń prolemasy ábden qordalanǵan qalalarda tarıftiń ósimi aıtarlyqtaı bolatyn túri bar.
«Ekibastuzda júıe múldem tozyp bitken. Eń úlken ósim sol jaqta josparlanǵan. Eki eseden joǵary bolady. Biraq biz ony basqa mehanızmder arqyly tejeýdi josparlap otyrmyz Ekibastuz ben Rıdderde ósimdi baıaý júrgizgimiz keledi. Mysaly jylýdyń jańa tarıfi bul qalalalardyń turǵyndaryna naýryz aıynda seziledi. Sáýirde naýryz aıynyń túbirtegi keledi. Ol kezde kún jylyna bastaǵan soń jylý az tutynylady. Sáıkesinshe tarıftiń óskenin naýryz aıy men sáýirdiń jartysynda ǵana sezinedi. Odan keıin ósimdi keler qysta bir-aq sezinýi kerek. Jylýǵa tólenetin birinshi túbirtek qarasha aıynda keledi. Tarıftiń ósimin turǵyndar sáýirde sezinedi sonda», - dedi Álibek Qýantyrov.
Mınıstr BAQ ókilderiniń saýalyna jaýap bere otyryp, Ulttyq qordan bala shotyna aýdarýdyń negizgi tártipterin atap shyqty.
«2024 jyldan bastap osy tetik iske asady. Júıede bolǵan 18 jasqa deıingi balalarǵa jyldyq qorytyndy boıynsha tıisti ınvestıtsııalyq kiristiń 50 paıyzy túsedi. Osy 50 paıyz ár balaǵa úlestiriledi. Jalpy 6,5 mln bala 18 jasqa tolǵansha osy júıede bolady. Mysaly, ınvestıtsııalyq kiris teris bolsa, ne bolatynyn da talqyladyq. Tek bir jyldyń kirisin ǵana qaramaımyz. Biz ortasha 18 jyldaǵy kiristi alamyz. Sebebi, bizdiń monıtorıng boıynsha 18 jyldyń ishindegi ár kezeńde kiris oń bolýy kerek. Sol sebepti osy mehanızm boıynsha jumys isteımiz», - dedi ol.
Ol bala 18-ge tolǵan kezde azamattyǵyn aýystyrsa, ne bolatynyn da aıtty.
«Eger bala azamattyǵyn aýystyrsa, bul qarajatty ol almaıdy. Bul aqsha basqa balalarǵa, jalpy Ulttyq qordyń ishinde úlestiriledi. Ulttyq qordaǵy shotynan aqsha alǵanda oǵan salyq salynbaıdy», - dedi Álibek Qýantyrov.
Foto: t.me/Kzgovernment
Onyń aıtýynsha, 18 jasqa tolǵan bala shotyndaǵy aqshany alǵanda salyq salynbaıdy. Mehanızm daıyn. Qarjy mınıstrligi erejelerin daıyndap jatyr.
BAQ ókilderi Aqparat jáne qoǵamdyq damý mınıstrine jýrnalısterge shabýyl jıi jasalǵanyn aıtyp, salaǵa jaýapty vedomstvonyń nege arasha túspeı jatqanyn surady.
«Qyrkúıek aıynan beri 6 ret arnaıy málimdeme jasadym. Aqtóbedegi oqıǵadan bastap jýrnalısterdiń quqyǵyn qorǵaýǵa, olarǵa árdaıym qoldaý kórsetýge daıyn ekenimizdi aıttyq. Ol týraly áleýmettik jelide de, jeke óz akkaýnttarymda da baıandadym. Sonymen qatar, ol jýrnalıstermen kezedstim, sóılestim. Mysaly, Samal Ibraevamen áńgimelestik. Sol sııaqty Gúljan Erǵalıevamen kezdesip, basqalarǵa da qoldaý kórsetýge ázir ekenimizdi jetkizdik. Memleket basshysy arnaıy tapsyrma berdi. Sol boıynsha keıbir kúdiktiler ustalyp jatyr. Sondyqtan óz baqylaýymyzda ustap otyrmyz. Ár ýaqytta jýrnalısterdiń jaǵynda jáne olardy qoldaýǵa ázir ekenimdi taǵy da aıtqym keledi», - dedi ol.
Mınıstr jýrnalıst Dınara Egeýbaevaǵa jasalǵan shabýyldyń tapsyrys berýshileri týraly da paıymyn aıtty.
Foto: ortcom.kz
«Ol boıynsha qazir tergeý júrip jatyr. Jaqynda qorytyndysy aıtylady dep oılaımyn. Jalpy 5 adamdy tapty. Biraq olarǵa tapsyrys berýshi kim? Bul jóninde Memleket basshysy da anyqtap aıtty. Tek qana oryndaýshylar emes, bularǵa tapsyrys berýshilerdi de anyqtaý kerek. Munymen quqyq qorǵaý organdary aınalysady. Sondyqtan jaqynda jaýabyn bilesizder dep oılaımyn», - dedi Darhan Qydyráli.
