«Taza Qazaqstan»: Bir jylda 1,6 mln túp aǵash egildi

ASTANA. KAZINFORM – Ekologııa jáne tabıǵı resýrstar mınıstri Erlan Nysanbaev Úkimet otyrysynda «Taza Qazaqstan» bastamasynyń bir jyldaǵy nátıjesin baıandady.

— «Taza Qazaqstan» bastamasynyń aıasynda 2024 jyly keshendi sharalar qabyldandy. Nátıjesinde 2019-2023 jyldary orta eseppen 62 ekologııalyq aktsııa ótkizilse, 2024 jyly bul kórsetkish 183-ke jetti. Eger ótken 5 jylda aktsııalarǵa 2,4 mln adam qatysyp, 900 myń tonna qoqys jınalyp, shamamen 2,5 mln jasyl jelek otyrǵyzylsa, 2024 jyly ekologııalyq aktsııalarǵa 6,2 mln adam qatysyp, 1,1 mln tonna qoqys jınaldy, shamamen 1,6 mıllıon aǵash egildi, — dedi mınıstr.

Mınıstrdiń sózinshe, bul nátıjeler «Taza Qazaqstan» aktsııasynyń jemisti bolyp otyrǵanyn kórsetedi.

Buǵan deıin «Taza Qazaqstan» aktsııasynda mıllıon tonnaǵa jýyq qoqys shyǵarylǵany aıtylǵan edi.